A ANNE TENCEE POUR MAROT

Puis que les vers que pour toy je compose, T'ont faict tencer , Anne ma sœur m'amye , C'est bien raison que ma main se repose : Ce que je fais : ma plume est endormie, Encre , papier , la main pasle et blesmie Reposent tous par ton commandement :

Mais mon esprit reposer ne peult mye , Tant tu me l'as travaillé grandement :

Pardonne donc à mes vers le tourment, Qu'ilz t'ont donné et ainsi que je pense Hz te feront vivre éternellement :

Demandes tu plus belle recompense?

DU MOYS DE MAY ET d'ANNE.

jyi 0 Y S amoureux , moys vestu de verdure , Moys qui tant bien les cueurs fais esjouyr: Comment pourras , veu l'ennuy que j'endure, Faire le mien de liesse jouyr ?

Ne prez, ne champs, ne rossignolz ouyr

N'y ont pouvoir : quoy donc je te diray? Tant seulement fais Anne resjouyr, Incontinent je me resjouyray.