LIVRE I

Chissay beau , jeune , en crédit , et support , Feit son debvoîr au combat , et abord : Mais par hazard fut frappé en la gorge D'un coup d'estoc :

Dont un cbascun de dueil ses lèvres mord , Disant, helas, l'honneste homme est il mort? Pleust or à Dieu , et monseigneur sainct George Que tout baston eust esté en la forge , Alors qu'il fut ainsi navré à mort , D'un coup d'estoc.

RONDEAU, DUQUEL LES LETTRES GAPITALLES PORTENT LE NOM DE l'AUTHEUR.

Comme Dido, qui moult se courrouça Lors qu'Eneas seule la délaissa En son pays : tout ainsi Maguelonne ^ Mena son dueil : comme tressaincte et bonne En l'hospital toute sa fleur passa.

Nulle fortune oncques ne la blessa, Toute constance en son cueur amassa, Mieulx espérant : et ne fut point félonne Comme Dido.

* Voyez dans l'ëpitre i'* les plaintes de la belle Maguelonne, que son amant , Pierre de Provence , avait abandonne'e.

io8 RONDEAUX.

Aussi celluy, qui toute puissance a , Pienvoya cil , qui au boys la laissa , Ou elle estoit : mais quoy qu'on en blasonne, Tant eust de dueil, que le monde s'estonne, Que d'un cousteau son cueur ne transpersa , Comme Dido.