DU MAL EN AMOURS

LiE plus grand mal et le plus dangereux.

Que d'une amye on puisse recevoir ,

IS'est pas refuz, ny congé rigoureux,

Apres qu'on a d'aymer faict son debvoir :

Ce n'est aussi estre privé de veoir

Celle qu'on tient chère comme soy mesme.

Un mal y a en amours plus extresme ,

Et qu'on ne peult, sans l'essayer, comprendre:

Diray je quel ? c'est quand on est a mesme ,

Et toutesfoys on est contrainct d'attendre.

qu'il FAULT TOUSJOURS craindre et ESPERER EN AMOURS

J'APPERÇOY bien qu'amour est de nature estrange Difficile à congnoistre et facile à sentir : Il se veult approcher quand de luy on s'estrange , Et quand on s'en approche il en faict repentir : Le suyvre mautgré moy me fallut consentir , Mais soubz bonne espérance , il me fut rigoureux , Et lors que je pensois estre le moins heureux, Entre plusieurs ennuyz je me vey prospérer. Ayez donc souvenance, o tristes amoureux, Qu'il fault craindre tous jours, et tous jours espérer