Ce qui arreste au bout du fuseau la descente du fil. R

Odes.

a Je retors la plus belle vie

QU'ONCQUES retordirent MES DOIS. »

Mais si tost qu'elle fut tirée A l'entour du fuzeau humain, Le Destin la mit en la main Du fils de Saturne et de Rhée.

Antistrophe.

Luy adoncques print une masse De terre , et devant tous les Dieux Dedans il feignit une face , Un corps, deux jambes et deux yeux, Deux bras, deux flancs, une poitrine, Et, achevant de l'imprimer, Soufla de sa bouche divine Le saint filet pour l'animer; Luy donnant encor' davantage Mille vertus, il appella Ses neuf filles, qui çà et là Entournoient la nouvelle image :

Epode.

«Ore vous ne craindrez pas, Seures sous telle conduite.

De reprendre encor la fuite Pour encor voler là bas.

Suivez donc ce guide ici :

C'est celuy, filles, aussi, Du quel la docte asseurance Franches de peur vous fera.

Et celuy qui desfera Les soldars de l'ignorance. »

Strophe xxi.

Lors à bas il poussa leur guide (i)';