DE MONSEIGNEUR LE DUC D’ALENÇON

Du grand François ornement des grands Roys La bonne indole et l'ancien génie Qui au tombeau luy firent compagnie Sont retournez en ce nouveau François.

SONNET

POUR LA ROYNE MERE Représentée en Junon nopciere.

Catherine a régi la navire de France,

Quand les vents forcenez la tourmentoient de flots ; Mille et mille travaux a porté sur son dos ,

Qu’elle a tous surmontez par longue patience.

Ceste Royne qui n’eust sa pareille en prudence , Veillant pour ses enfants, nos princes, sans repos, Au temps qu’un chaste amour vint allumer leurs os Les faict Roynes et Roys par nopcière alliance.

C’est elle qui l’olive en la France rameine ,

Alliant nostre Roy à la race germaine ,

D’ou vient à ce royaume un bonheur renaissant.

Et Paris, qui la veoit si sage et si prudente,

Luy donne de Junon la figure présente,

Ensemble corps et biens, d’un cœur obéissant

des Mascarades.

SONNET