RESPONDENT

Le Soleil.

Ce n’est pas toy, Terre, qui ce grand roy As tant rempli de puissance , c’est moy De qui l’aspect aux roys donne la vie (»)

Et peut leur sceptre en gloire maintenir : Donc, si tu veux ton dire soustenir,

Vien au combat , icy je te desfie.

Mercure.

Je donne aux roys l’advis et la prudence, Et le conseil qui passe la puissance, Comme j’ay fait à Charles ce grand roy, Pour gouverner la terre universelle ;

1. Selon l’astronomie judiciaire, l’aspect du soleil avec un astre heureux préside à la vie et à la fortune des grands.

Et si la Mer veut dire que c’est elle,

Je dy que non, soustenant que c’est moy (i).

Saturne (* i. 2).

Je fais long temps les royaumes durer,

Et les grands roys longuement prospérer, Quand d’un bon œil j’esclaire à leur naissance, Comme à ce roy que j’ay fait de ma main,

Et non pas l’Air, mol , variable et vain ;

S’il le soustient, qu’il se mette en défense!