La badia, l'abbaye
L'Entreprise de Venise. 153
Les terres appartenantes au duc de Savoye que usurpent les dictz Veniciens ' .
Le royaulme de Cipre retenez , Qui appartient au bon duc de Savoye; Rendez le tost; car, se plus le tenez, Luy et ses gens se mettront en la voye Pour le ravoir; redoubtez qu'il s'avoye De conquérir ce qu'avez du sien :
Qui d'aultruy bien usurpe en fin n'a rien.
Chipre est au duc de Savoye, n'ayez doubte; Le roy Janus, son frère, luy donna, Et la royne de Chippre, somme toute, De bon voloir luy mist et ordonna.
Venise dont en se nul bon droit n'a, Ne vous aussi, Veniciens robustes; Ce que tenez n'est pas à tiltres justes.
Feistes-vous pas Jacques de Lesignan, Bastard de Chippres, à force prince et roy Dudit Chippre en moins de demy an ; Aux Chipriens feistes maint grant desroy, Et du depuis il print selon la loy Une fille à femme de Venise.
Non sans cause fut faicte l'entreprise.
1 . Sur M. de Savoye , ilz détiennent , hors du dit pays de Ytalie, le royaulme de Cypre, à luy appartenant par vraye succession de son feu frère le roy Janus , et par donation que en feyst la feue royne de Cypre , sa femme , à la maison de Savoye. Aussi il y a encores deux enfans de feu Jacques de Lusignan , bastard de Cypre , lequel , à l'aide des Vénitiens, en fut fait roy par force d'armes, et depuis le marièrent à une fille venicienne qui est encores en vie ( Catarina Cornaro). Et dit l'on qu'ilz détiennent lesdictz enfans prisonniers dedans le chasteau de Padue.
154 Gringore.
Deux enfans masles eurent en mariage Que détenez à Padue prisonniers, A grant fierté et par aspre courage ; De mal faire estez trop coustumiers; Car vous aymez mieulx ducatz et deniers Que ne faictes vostre salvation ; Maintz sont dampnez par obstination.
Les terres appartenantes au royaulme de Pouillc que tiennent lesdictz Vénitiens ' .
En la Pouille vous tenez Octrento, Molla et Tranne , maintz portz de mer et villes, Menepoly, Brandis, Poligano; Tous les mondains volez tenir serviles ; Princes et roys cuydez faire pupilles , Vivans de rap2, ainsi qu'oyseaulx de proye; Tousjours en fin vient ung coup qui tout paye.
Tremblez , tremblez , bourgoys veniciens , Vous avez trop de trésors enciens Mal conquestez; tost desployer les fault. Roys, princes, ducz, jeunes et enciens, Seigneurs, marquis trouveront les moiens Dedans brief temps de vous livrer Tassault ; Considérez vostre cruel deffault, Et que pecune qui est tresmal acquise Effacera le regnon de Venise.
i . Et depuis le retour de trèscrestien roy, Charles huitiesme, de la conqueste ou recouvrement de son royaulme de Naples et de Sicille, iceulx Vénitiens luy détiennent les meilleurs villes et ports de mer de la Pouille, c'est assavoir: Brandis (Brindes), Octrante, Mola,-Polligano ( Polignano), Tranne (Trani), Gallipoli et Manipolil (?).
2. Orthographe plus voisine de raperc que notre mot rapt , qui vient de raptus.
L'Entreprise de Venise. i$$
Le porc-epic de brief vous picquera ' ; L'aigle de sable lors vous bequetera2, Et les liopars asprement vous mordront > ; Le lyon noir 4 ses densvous montrera; La nouvelle ancre près de vous s'ancrera ; Les Espaignolz au boys vous chasseront ; Sur vous Romains leur chesne planteront s , Et le lièvre courra sans plus doubter ; Car les vaches6 viendront pour vous hurter.
Capitaines espers, preux chevaliers Cueurs d'escuyers , gendarmes et archiers , Hallebardiers, aussi gens d'ordonnance, Se mettent sus avecques plusieurs piquiers, Hacquebutiers et subtilz canoniers, Qui volentiers monstreront leur puissance ; Mainte lance on rompra sans doubtance ; L'aliance faicte entre roys et princes Subjuguera les barbares provinces.
Brief on y va d'ung si noble courage Qu'il n'est homme qui le sceust estimer, Et si nully n'empesche le passage Pour y aller sur terre ne sur mer; Vulcanus fait ses forneaux enflamer Et Minerve forge l'artillerie ; Sur les pillars en fin vient pillerie.
