Action

Avoir esté faicte le temps passé ; Pource que estoit plain de rébellion , Fier et despit comme ungtor ou lyon , Il fut mué en cerf tout compassé; De ses chiens fut si asprement chassé Qu'ilz l'estranglèrent, et si estoit leur maistre : Tel que l'homme est, se doit faire congnoistre.

Sainct Grégoire n'apétoit seigneurie Quand il se dist serf des serfz l ; si vous prie , Puisqu'il vous plaist comme luy vous nommer, Que vous facez selon son industrie ; Soyez ainsi que une biche série 2, Sans porter cors; bien serez estimé; Certes ung cerf n'a point acoustumé D'avoir viandes propres tous les jours change : Tel est pescheur, et si il fainct estre ange.

Posé qu'ayez esté durant le ruyt Fort eschauffé en faisant noyse et bruit , C'est assez fait, cela vous doit suffire; Vostre buisson gardez de jour, de nuyt, Et, s'il y a quelque chien qui vous suyt, Il luy sera force qu'il se retire; Car les veneurs Françoys , à bref vous dire , Vous ont remis bien souvent au buisson : Bon escollier doit savoir sa leçon.

Or se fait-il une assemblée tresbelle , Pour regarder en la saison nouvelle Que l'on fera de ceste chasse honneste, Et, s'on treuve le serf des serfs rebelle, Voulant user de ruse ou de cautelle,

i. Cf. la première note de cette pièce. 2. Calme, tranquille.

La Chasse du cerf des cerfs. 167

Plusieurs veneurs yront bien tost en queste Et là seront , pour congnoistre la beste , L'ung de l'autre séparez en maints lieux : On prend bien serf, tant soit rusé ou vieux.

L'Acteur et surnom d'icel mys.

G ubernateur et pillier de l'esglise ,

R everamment par devant vous m'adresse ;

J e congnois bien qu'estes plain de franchise,

N oble de cueur en vivant sans reprise ,

G lorifiant deJhesus la haultesse;

O r suis-je serf à la vostre noblesse;

R urallement ay parlé de la chasse ,

E n espérant d'acquérir vostre grâce.