LE BLAZON

DES H ERETIQUES.

DE PAR LA COURT, Extrakt des registres du Parlement.

Sur la requeste baillée par Phelippe Le Noir, relieur juré en l'Université de Paris, par laquelle il requeroit luy estre permys exposer en vente ung petit livre, intitulé : Le Blazon des hérétiques , et que deffenses fussent faictes à tous libraires, imprimeurs et aultres qu'il appartiendra , de ne imprimer ne exposer en vente ledit livre jusques à deux ou troys ans sur certaines grosses paines et d'amende arbitraire; veu par la Court ladicte requeste. à laquelle ledict livre estoit attaché, et tout considéré, ladicte Court a permis et permet audict Le Noir, suppliant, de faire imprimer et exposer en vente ledict livre , intitulé, comme dict est, le Blazon des hérétiques, jusques à ung an tant seullement, pendant lequel temps icelle Court fait deffenses à tous imprimeurs, libraires et aultres qu'il appartiendra, de ne imprimer ne vendre icelluy livre sus paine de confiscation desdictz livres et d'amende arbitraire. Faict en parlement, le vingt ungiesme jour de décembre, l'an mil cinq cens vingt-quatre.

Collation est faite. Ainsi signé : F. Du Tillbt.