Nyv. : Grande aspreté

Le Blazon des Hérétiques. 329

De la famine et la mortalité

Ou de guerre , en craignant de commectre

Aucuns péchez. Lors se veullent submectre

A la raison, vivans tempereement,

En labourant actuellement ',

Et non ainsi comme ilz le pensent faire,

Pour survenir à leur petit affaire;

Car par les champs et manoirs sont paoureux

De remonstrer 2 aucuns advantureux.

Quant le tiers temps, tempéré de rechef,

Vient aux humains après leur grief meschef ,

Cueurs gros , enflez, commencèrent à rendre,

Délibérez du discord entreprendre

Comme devant, et se peult bien vanter

Richesse avoir puissance d'anfanter

Inimitié , qui garde ne a qu'el'faille

D'ung pervers fruict enfanter, c'est Bataille ,

Et puis Bataille a tousjours enfanté

Nécessité, Malheur et Povreté.

Ainsy tu veoys que au misérable monde ,

Après richesses et biens , guerre y habonde

Et povreté par la guerre a son cours ,

Parquoy convient avoir vers Dieu recours,

Considérant guerre et choses hérites J

Venir au monde et [par] noz démérites 4.

Au temps présent veons Martin Luther * Contre l'Esglise et la foy Christ luter ;