Nyv. : Vivent comme en estable

Le Blazon des Hérétiques. 335

Hayans raison , prudence et vérité , Voullans commun ' vivre en auctorité, En desprisant prudens docteurs et saiges, Qui d'Esglise ont soustenu les usaiges 3 Et ont esté en vertus si parfaictz , Moyennant Christ, que miracles ont faitz.

Et Luthériens ne font, pour abréger, Miracles fors de yvrongner et menger, Hayans honneur, paix, amytié, concorde, Prenans plaisir prescher une vie orde ; Car la plus part de leurs entendemens Est depriser saincts devotz sacremens Et les bailler à ung chascun , sans faire Confession dévote et salutaire, Sans en avoir crainte , doubte ou merreur *.

Ainsi concluz que la nouvelle erreur, Qui ce met sus pour gaster les provinces , Pareillement discussion des princes 4 Comme de Turcs, infidelles payens, Qui font assaulx et la guerre aux Chrestiens Et mesmement barbares et gens d'armes Les boutefeux en leurs malices fermes , Grandes caves, peu de bledz et de vins, Adjouster foy à sorciers , à devins , Et croire trop en grande seigneurie, Jeune conseil, et aymer flaterie, Par quoy les maulx que ay devant recitez , Lesquelz veons en villes, champs, citez, Cloistres, esglises , manoirs , [et] forteresses,