CONSIDERATION VII

Et de là viendra juger les vivans et les morts.

Ainsy n'estant plus subjet à lieu, ny place, ny pesanteur, il comparoistra en l'air au dernier jour avec ses Saincls, visible à tous les hommes, où qu'ils soyent, quoy qu'avec di- Ters effetz, non sans aussi grand miracle que celuy par lequel il est invisible en ce grand sacrement ; et Ihors il jugera coulpables de son corps et de son sang ceux qui auront mangé et beu indignement ce tant précieux et adorable sacrement, pour n'avoir discerné le corps du Seigneur. De quelle viande fut-il jamais dit que qui la mangeroit indignement estoit coulpable du corps de Jesus-Christ , sinon de celle-cy, laquelle estant réellement le corps de Jesus-Christ , rend aussi réellement coulpables d'iceluy ceux qui en abusent , et ne le discernent point? On n'avoit pas rendu un si severe arrest pour la manne de l'agneau paschal, quoy qu'en iceux on mangeast par foy et spirituellement Jesus-Christ mesme.