CHAPITRE XXXIH
Comment Pantagruel fut malade, et la façon comment il guérit, »
Peu de temps après, le bon Pantagruel tomba malade, et fut tant prins de l’estomach qu'il ne povoit boire ni manger, el parce qu’un malheur ne vient jamais seul, lui print une pisse chaulde qui le tourmenta plus que ne penseriez : mais ses médicins le secouru-
mr
rent très-bien, et avecques force drogues lénitives et diurétiques le feirent pisser son malheur. Son urine lant estoit chaulde que depuis ce temps-là elle n'est encore refroidie. Et en avez en France en divers lieux, selon qu’elle print son cours; et l’on l'appelle les bains chaulds, comme
A Coderets,
À Limons,
A Dast,
À Balleruc,
A Neric,
À Bourbonnensy, et ailleurs.
En Italie, |
A Mons grot,
A Appone,
A Santo Petro di Padua,
À Saincte Helene,
A Casanova,
A Santo Bartholomeo.
En la comté de Boulogne,
A la Porrette, et mille aultres lieux. :
Et m’esbahi grandement d’un tas de fols philosophes et médicins, qui perdent temps à disputer d'ond vient la chaleur de ces dictes eaux, ou si e’est à cause du baurach, ou du soulphre, ou de l’alum, ou du salpètre qui est dedans la minière : çar ils n’y font que ravasser , et mieulx leur vauldroit se aller frotter le cul au panicault, que de perdre ainsi le temps à disputer de ce dont ils ne sçavent l’origine. Car la résolution est aisée, et n’en fault enquester d'advantage, que lesdicts bains sont chaulds parce que ils sont issus par une chaulde-pisse du bon Pantagruel. Or, pour vous dire comment il guérit de son mal principal, je laisse ici comment, pour une minorative, il print quatre quintaulx de scammonée colophoniaque, six vingls
et dix-huiet charretées de casse, unze mille neuf cents
livres de rheubarbe, sans les aultres barbouillements. Il vous fault entendre que parle conseil des médicins fut décrété qu'on osteroit-ee que lui faisoit le mal à l’estomach. Pour ce l’on feit dixsept grosses pommes de cuivre, plus grosses que celle qui est à Rome à l’aguille de Virgile, en telle facon qu'on les ouvroit par le milieu et fermoit à un ressort. En l’une entra un de ses gents portant une lanterne et un flambeau allumé. Et ainsi l’avala Pantagruel comme une petite pilule. En cinq aultres entrarent trois paysans, chascun ayant une paesle à son col. En sept aultres entrarent sept porteurs de coustrels, chascun. ayant une corbeille à son col. Et ainsi feurent avalés comme pilules. Quand furent en l’estomach, chascun deftict son ressort, et sortirent de leurs cabanes, et premier cellui qui portoit la lanterne, et ainsi cheurent plus de demie lieue en un goulphre horrible, puant, et infect plus que Mephitis, ni la palus Camarine, ni le punais lac de Sorbonne (1), duquel escript Strabo. Et n’eust esté qu’ils estoient très-bien antidotés le cœur , l’estomach, et le pot au vin {lequel on nomme la caboche), ils fussent suffoqués et esteincts de ces vapeurs abominables. O quel parfum! O quel vaporement pour embrener lourets de nez à jeunes galoises! Après, en tastonnant el fleuretant, approcharent de la matière fécale et des humeurs corrompues. Finablement trouvarent une mont-joie d'ordure, lors les pionniers frapparent sus pour la desrocher, et les aultres avecques leurs paesles en emplirent les corbeilles, et quand tout fut bien nettoyé, chascun se retira en sa pomme.
Ce faict, Pantagruel se parforce de rendre sa gorge, et facilement les mist dehors. et ne montoient en sa gorge en plus qu'un ped en la vostre, et là sorlirent hors de leurs pilules joyeusement. Il me soubvenoit
+ (4) Pour Lac de Sodome ou mer Asphaltite.
| tagruel. Ici je #
quand les Gregeois sortirent du cheval en Troie. Et par ce moyen fut guéri, et réduict à sa première convalescence. EL de ces pilules d'arain en avez une à Orléans sur le clocher de l’ecclise de Saincte Croix.
