CHAPITRE XXXVII

Comment par Pantagruel et Panurge est Triboulet blasonné.

« Par mon ame, respondit Panurge, je le veulx. Il m'est advis que le boyau m'eslargit. Je l'avois nagaires bien serré et conslipé. Mais, ainsi comme avons choisi la fine cresme de sapience pour conseil, aussi vouldrois-je qu’en nostre consultation présidast quelqu'un qui fust fol en degré souverain. — Triboulet, dist Pantagruel,me semble compétentement fol.—Panurge respondit : Proprement et totalement fol.