CHAPITRE Il
Comment Pantagruel, en l’isle de Medamothi, achapta plusieurs belles choses,
Cestui jour, et les deux subséquents, ne leur apparut lerre ne aultre chose nouvelle; car ‘aultresfois avoient aré ceste route. Au quatriesme descouvrirent une isle nommée Medamothi, belle à l'œil et plaisante, à cause du grand nombre des phares et haultes tours marbrines, desquelles tout le circuit estoit orné, qui n’estoit pas moins grand que de Canada. Pantagruel,
. S’enquérant qui en estoit dominateur, entendit que
c'estoit le roi Philophanes, lors absent pour le matriage de son frère Philotheamon avecques l’infante du royaulme de Engys. Adoncques descendit au havre, contemplant, ce pendent que les chormes des naufs faisoient aiguade, divers tableaux, diverses tapisseries, divers animaulx, poissons, oiseaulx et aultres marchandises exotiques et pérégrines, qui estoient en l'allée du mole et par les halles du port. Car c’estoit le tiers jour des grandes et solennelles foires du lieu, esquelles annuellement convenoient touts les plus riches et fameux marchands d'Afrique et Asie; d’entre lesquelles frère Jean achapta deux rares et prétieux tableaux : en l’un desquels estoit au vif painct le visage d’un appellant; en l'aultre estoit le portraict d’un varlet qui cherche maistre en toutes qualités requises, gesles, maintien , minois, allures, physionomie et affections : painct et inventé par maistre Charles Charmois, painctre du roi Mégiste; et les paya en monnoie de singe. Panurge achapta un grand tableau painct et transsumpt de l'ouvrage jadis faict à l’aiguille par Philomela, exposante et représentante à sa sœur Progné comment son beau-frère Tereus lavoit despucellée, et sa langue coupée, affin que tel crime ne décelast, Je vous jure par le manche de ce fallot, que c’estoit une paincture galante et mirifique. Ne pensez, je vous prie, que ce fust le pourtraict d’un homme couplé sus une fille. Cela est trop sot et trop lourd. La paincture estoit bien aultre, et plus intelligible, Vous la pourrez voir en Thélème, à main gauche, entrants à la haulte gallerie. Epistemon en achapta un aultre, onquel estoient au vif painctes les idées de Platon et les atomes d'Epicurus. Rhizotome en achapta un aultre, onquel estoit Echo selon le naturel représentée. Pantagruel par Gymnaste feit achapter la vie et gestes de Achilles en soixante et dix-huict pièces de tapisserie à haultes lisses, longues dé quatre, larges de trois toises, toutes de saie phrygienne, requamée d’or et d'argent. Et commenceoit la tapisserie aux nopces de Peleus et Thelis, continuant la nativité d’Achilles, sa jeunesse descripte par Stace Papinie; ses gestes et faicts d'armes célébrés par Ho-
(1) Vu l'incertitude des manuscrits, Vossius conjecture qu’il faut lire, dans P. Mela, Bætorum et non Suevorum ; et ces Bœti seraient les Bataves. Il est probable que les prétendus Indiens n’étaient que des Pictes venus de l’ile de Bretagne.
ot
mère; sa mort et exsèques descripts par Ovide et Quinte Calabrois, finissant en l'apparition de son umbre, et sacrifice de Polyxène, descript par Euripides. Feit aussi achapter trois beaulx et jeunes unicornes : un masle de poil alezan tostade, et deux femelles de poil gris pommelé. Ensemble un tarande (1), que lui vendit un Scythien de la contrée des Gelones. Tarande est un animal grand comme un jeune taureau, portant teste comme est d’un cerf, peu plus grande, avecques cornes insignes largement ramées; les pieds forchus, le poil long comme d'un grand ours; la peau peu moins dure qu’un corps de cuirasse. Et disoit le Gelon peu en estre trouvé parmi la Scythie, parce qu’il change de couleur selon la variété des lieux esquels il paist et demoure. Et représente la couleur des herbes, arbres, arbrisseaulx, fleurs, lieux, pastis, rochers, généralement de toutes choses qu'il approche. Cela lui est commun avecques le poulpe marin (c’est le polype), avecques les thoës, avecques les lycaons de Indie, avecques le chaméléon, qui est une espèce de lizart tant admirable que Democritus ha faict un livre entier de sa figure, anatomie, vertus et propriétés en magie. Si est ce que je l'ai vu couleur changer, non à l’approche seulement des choses colorées, mais de soi-mesme, selon la paour et affections qu'il avoit. Comme, sus un tapis verd, je l’ai vu certainement verdoyer; mais y restant quelque espace de temps, devenir jaune, bleu, tanné, violet par succès, en la facon que voyez la creste des coqs d'Inde couleur selon leurs passions changer. Ce que sus tout trouvasme en cestui tarande admirable est que nonseulement sa face et peau, mais aussi tout son poil telle couleur prenoiït qu’elle estoit és choses voisines. Près de Panurge vestu de sa togebure, le poil lui devenoit gris; près de Pantagruel vesiu de sa mante d’escarlate, le poil et peau lui rougissoit; près du pilot vestu à la mode des isiaces de Anubis en Egypte, son poil apparut tout blanc. Lesquelles deux dernières couleurs sont au chaméléon desniées. Quand, hors toute paour et affections, il estoit en son naturel, la couleur de son poil estoit telle que voyez és asnes de Meung.
