PANTAGRUEL

Pendent que Pantagruel escripvoit les lettres susdictes, Malicorne fut de touts festoyé, salué, et accollé à double rebras. Dieu sçait comment tout alloit et comment recommendations de toutes parts trottoient en place. Pantagruel, avoir parachevé ses lettres, banqueta avecques l'escuyer. Et lui donna une grosse chaine d’or poisante huict cents escuts, en laquelle par les chainons septeuaires estoient gros diamants, rubis, esmeraugdes, turquoises, unions, alternativement enchassés. À un chascun de ses nauchers feit donner cinq cents escuts au soleil. À Gargantua son père envoya le tarande, couvert d’une housse de satin broché

d'or, avecques la tapisserie contenente la vie etgestes

d'Achilles, et les trois unicornes capparassonnées de drap d'or frizé. Ainsi départirent de Medamothi, Malicorne pour retourner vers Gargantua, Pantagruel pour continuer son navigage. Lequel en haulte mer feit lire par Epistemon les livres apportés par l’escuyer. Desquels, pource qu’il les trouva joyeux et plaisants, le t'anssumpt voluntiers vous donnerai, si dévotement le requérez,