CHAPITRE XXV
Comment, après la tempeste, Pantagruel descendit és isles des Macreons.
Sus l'instant nous descendismes au port d'uneisle, laquelle on nommoit l’isle des Macreons. Les bonnes gents du lieu nous receurent honorablement., Un vieil macrobe (ainsi nommoient-ils leur maistre eschevin)
(4) Comme un ministre de la religion réformée. (2) Le danger passé, on se moque du saint.
vouloit mener Pantagruel en la maison commune de la ville pour soi refreschir à son aise, et prendre sa réfection. Mais il ne voulut partir du mole que touts ses gens ne fussent en terre. Après les avoir recognus, commanda chascun estre mué de vestemens, et toutes les munitions des naufs estre en terre exposées , à ce que toutes les chormes feissent chère lie. Ce que fut incontinent faict. Et Dieu sçait comment il y eut bu et gallé. Tout le peuple du lieu apportoit vivres en abundance. Les pantagruélistes leur en donnoient d'advantage, Vrai est que leurs provisions estoient et Qt endommagées par la tempeste précéente.
Le repas”fini, Pantagruel pria un chacun soi mettre en office et debvoir pour réparer le bris. Ce que feirent, et de bon haïit. La réparation leur estoit facile, parce que touts les gents de l'isle estoient charpentiers et touts artisans Lels que voyez en l’arsenac de Venise; et l'isle grande seulement estoit habitée en trois ports, dix paræces, le reste estoit bois de haulte fustaie et désert, comme si fust la forest d’Ardeine. À nostre instance, le vieilimacrobe monstra ce qu’estoit spectable et insigne en l'isle. Et, par la forest umbrageuse et déserte, descouvrit plusieurs vieulx temples ruinés, plusieurs obélisques, pyramides, monuments et sépulchres antiques avecques inscriptions et épitaphes divers. Les uns en lettres hiéroglyphiques, les-aultres en language ionique, les aultres en langue arabique, agarene, sclavonique, et aulires. Desquels Epistemon feit extraict curieusement. Ce pendent Panurge dist à frère Jean : «lei est l'isle des Macreons. Macreon en grec signifie vieillart homme, qui ha des ans beaucoup. — Que veulx-tu, dist frère Jean, que j'en face ? Veulx-tu que je m'en defface ? Je n’estois mie on pays lors que ainsi fut baptisée. — A propos, respondit Panurge, je croi que le nom de maquerelle en est extraict. Car maquerellage ne compète que aux vieilles ; aulx jeunes compète culletage : pourtant seroit ce à penser que ici fust l'isle Maquerelle, original et prototype de celle qui est à Paris. Allons pescher des huistres en escaille.
Le vieil macrobe, en language ionique, demandoit à Pantagruel comment et par quelle industrie et labeur estoit abordé à leur port celle journée en laquelle avoit esté troublement de l’aer, et tempeste de mer tant horrifique. Pantagruel lui respondit que le hauli Servateur avoit eu esgard à la simplicité et sincère affection de ses gents, lesquels ne voyageoient pour gain ne trafic de marchandise. Une et seule cause les avoit en mer mis, sçavoir est studieux désir de voir, apprendre, cognoistre, visiter l’oracle de Bacbuc, et avoir le mot de la Bouteille, sus quelques difficultés proposées par quelqu'un de la compagnie. Toutesfois ce ne avoit esté sans grande affliction et danger évident de naufrage. Puis lui demanda quelle cause lui sembloit estre de cestui espouventable fortunal, et si les mers adjacentes d'icelle isle estoient ainsi ordinairement subjectes à lempeste, comme en la mer océane sont les ras de Sanmaieu (1), Maumusson, et en la mer Méditerranée le goulphre de Satalie, Montargentan, Plombin , Capo Melio en Laconie, l’estroict de Gibalthar, le phare de Messine, et aultres.
