CHAPITRE XXXII

Continuation des contenences de Quaresmeprenant,

« Cas admirable en nature, dist Xenomanes continuant, est voir et entendre l’estat de Quaresmeprenant.

S'il crachoit, c’estoient panerées de chardonnette.

S'il mouchoit, c’estoient anguillettes salées.

S'il plouroit, c'estoient canars à la dodine.

S'il trembloit, c’estoient grands pastés de lievre.

S'il suoit, c'estoient moulues au beurre frais.

S'il rottoit, c'estoient huistres en escalle,

S'ilesternuoit, c'estoient pleins barrils de moustarde.

S'il toussoit, c’estoit boites de coudignac.

S'il sanglottoit, c’estoient denrées de cresson.

S'il baisloit, c'estoient potées de pois pilés.

S'il souspiroit, c'estoient langues de bœuf fumées.

S'il subloit, c'estoient hottées de singes verds.

S'il ronfloit, c’estoient jadaulx de febves frezes.

S'il rechinoit, c'estoient pieds de porc au sou.

S'il parloit, c’estoit gros bureau d’Auvergne, tant s’en failloit que fustsaye cramoisie, de laquelle vouloit Parisatis estre les paroles tissues de ceux qui parloient à son fils Cyrus roi des Perses.

S'il souffloit, c’estoient troncs pour les indulgences.

S'il guignoit des œils, c’estoient gauffres et obelies.

S'il grondoit, c'estoient chals de Mars.

S'il dodelinoit de la teste, c’estoient charrettes ferrées.

S'il faisoit la moue, c’estoient bastons rompus.

S'il marmonnoit, c’estoient jeux de la bazoche.

S'il trépignoit, c’estoient respits et quinquenelles.

S'il reculoit, c’estoient cocquecigrues de mer.

S'il buvoit, c’estoient fours à ban,

S'il estoit enroué, c’estoient entrées de moresques.

S'il petoit, c’estoient houseaulx de vache brune.

S'il vesnoit, c’estoient bottines de cordouan.

S'il se grattoit, c'estoient ordonnances nouvelles.

S'il chantoit, c’estoient pois en gousse.

S'il fiantoit, c'estoient potirons et morilles.

S'il buffoit , .c'estoient choulx à l'huile, alias caules amb’olif.

S'il discouroit, c'esloient neiges d'antan.

S'il se soucioit, c’estoient des rais et des tondus.

Si rien donnoit, aultant en avoit le brodeur.

S'ils songeoit, c’estoient vits volants et rampants contre une muraille.

S'il resvoit, c'estoient papiers rentiers.

« Cas estrange : travailloit rien ne faisant, rien ne faisoit travaillant. Corybantioit dormant, dormait corybantiant, les œils ouverts comme font les lièvres de Champagne, craignant quelque camisade d'Andouilles ses antiques ennemies. Rioit en mordant, mordoit en riant. Rien ne mangeoit jeusnant, jeusnoit rien ne mangeant. Grignotoit par soubçon, buvoit par imagination. Se baignoit dessus les haults clochers, se seichoit dedans les estangs et rivières. Peschoit en l'aer, et y prenoit escrevisses décumanes. Chassoit on profond de la mer, et y trouvoit ibices, stamboucs et chamois. De toutes corneilles prinses en Tapinois ordi-

nairement poschoit les œils. Rien ne craignoit que son umbre, et le cri des gras chevreaulx. Battoit certains jours le pavé. Se jouoit és cordes des ceincts. De son poing faisoitun maillet. Escripvoit sus parchemin velu, avecques son gros gallimart, prognostications et almanachs. — Voilà le galand, dist frère Jean. C'est mon homme : c’est cellui que je cherche. Je lui vai mander un cartel. — Voilà, dist Pantagruel, une estrange et monstreuse membrure d'homme, si homme le doib nommer. Vous me réduisezen mémoire la forme et contenence de Amodunt(1)et Discordance.—Quelle forme, demanda frère Jean, avoient-ils? Je n’en oui jamais parler : Dieu me le pardoint. — Je vous en dirai, respondit Pantagruel, ce que j'en ai leu parmi les apologues antiques. Physis (c'est Nature) en sa première portée enfanta Beaulté et Harmonie sans copulation charnelle : comme de soi-même est grandement féconde et fertile. Antiphysie, laquelle de tout lemps

est partie adverse de Nature, incontinent eut envie

sus cestui tant beau et honorable enfantement : et au rebours enfanta Amodunt et Discordance par copulation de Tellumon.. Ils avoientla teste sphérique et ronde entièrement comme un ballon : non douleement comprimée des deux costés, comme est la forme humaine. Les aureilles avoient hault enlevées, grandes comme aureilles d’asne : les œils hors la teste, fichés sus des os semblables aux talons , sans sourcilles, durs comme sont ceulx des cancres; les pieds ronds comme pelottes; les bras et mains tournés en arrière vers les espaules; et cheminoient sur leurs testes continuellement faisants la roue, cul sus teste, les pieds contremont. Et comme vous sçavez que és singesses semblent leurs petits singes plus beaux que chose du monde, Anliphysie louoit et s’efforceoit prouver que la forme de ses enfants plus belle estoit et advenente, que des enfants de Physis : disant que ainsi avoir les pieds et teste sphériques, et ainsi cheminer circulairementen rouant, estoit la forme compétente et parfaicte allure retirante à quelque portion de divinité, par laquelle les cieulx et toutes choses éternelles sont ainsi contournées.Avoir les pieds en l’aer, la teste en bas, estoit imitation du Créateur de l'univers, vu que les cheveulx sont en l'homme comme racines, les jambes comme rameaulx. Car les arbres plus commodément sont en terre fichés sus leurs racines, que ne seroient sus leurs rameaulx. Par cette démonstration alléguant que trop mieulx et plus aptement estoient ses enfants comme une arbre droicte, que ceulx de Physis, lesquels estoientcomme une arbre renversée. Quant est des bras et des mains, prouvoit que plus raisonnablement estoient tournés vers les espaules; parce que ceste partie de corps ne doibvoitestre sans deffenses. attendu que le devant estoit compétentement muni par les dents, desquelles la personne peut non seulement user en maschant sans l'aide des mains, mais aussi soi deffendre contre les choses nuisantes. Ainsi, par le tesmoignage et stipulation des bestes brutes, tiroit touts les fols et insensés en sa sentence, et estoit en admiration à toutes gens escervelés et desgarnis de bon jugement et sens commun. Depuis elle engendra les matagots, cagots et papelars : les maniacles pistolets : les démoniacles Calvins imposteurs de Genève: les enragés Putherbes (2), briffaulx, caphars, chattemites, canibales et aultres monstres difformes et contrefaictsen despit de Nature.»

(1) À modo entis, sans figure d’être, difforme.

(2) Gabriel de Puy-Herbaut (Putherbeus), moine de Fontevrault, avait attaqué Rabelais avec une extrême violence, dans un ouvrage contre ce qu’il appelait les mauvais livres ‘ (1549). |

y re

Amenarent le physétère lié en terre de l’île prochaine, dicte Farouche [page 238).