CHAPITRE XXXIV

Comment par Pantagruel fut défaict le monstrueux physétère.

Le physétère, entrant dedans les brayes et angles des naufs et gallions, jectoit eau sus les premières à pleins tonneaulx, comme si fussent les catadupes du Nil en Ethiopie. Dards, dardelles, javelots, espieux, corsiques, pertuisanes, voloient sus lui de touts costés. Frère Jean ne s’y espargnoit. Panurge mouroiïit de paour. L’artillerie tonnoit et fouldroyoit en diable, et faisoit son debvoir de le pinser sans rire. Mais peu profictoit : car les gros boullets de fer et de bronze, entrants en sa peau, sembloient fondre, à les voir de loing, comme font les tuiles au soleil. Alors Pantagruel, considérant l'occasion et nécessité, desploye ses bras, el monstre ce qu'il scavoit faire.

Vous dictes, et est escript, que le truant Commodus, empereur de Rome, tant dextrement tiroit de l'arc, que de bien loing il passoit les flesches entre les

doigts des jeunes enfants levants la main en l’aer,

sans auleunement les férir. Vous nous racomptez aussi d’un archer indian on temps qu'Alexandre le grand conquesta Indie, lequel tant estoit de traire périt, que de loing il passoit ses flesches par dedans un anneau : quoi qu'elles fussent longues de trois coubdées, et fust le fer d'icelles tant grand et poisant qu'il en persoil brancs d'acier, boucliers espais, plastrons acérés, ce tout généralement qu'il touchoit : tant ferme, résistant, dur et valide fust que sçauriez dire. Vous nous dictes aussi merveilles de l’industrie des anciens François, lesquels à touts estoient en l’art sagittaire préférés, et lesquels en chasse de bestes noires et rousses frottoient le fer de leurs flesches avecques ellébore, pource que de la venaison ainsi ferue la chair plus tendre, friande, salubre et délicieuse estoit, cernant loutesfois et ostant la partie ainsi atteincte tout autour. Vous faictes pareillement narré des Parthes, qui par derrière tiroient plus ingénieusement que ne faisoient les aultres nations en face. Aussi célébrez-vous les Scythes en ceste dextérité. De la part desquels jadis un ambassadeur envoyé à Darius roi des Perses, lui offrit un oiseau, une grenoille, une souris et cinq flesches, sans mot dire. Interrogué que prétendoient tels présents, et s’il avoit charge de rien dire, respondit que non. Dont restoit Darius tout estonné et hébété en son entendement, ne fust que l’un des sept capitaines qui avoient occis les mages, nommé Gobryes, lui exposa et interpréta, disant : « Par ces dons et offrandes vous disent tacilement les Scythes : Si les Perses comme oiseaulx ne volent au ciel, ou comme souris ne se cachent vers le centre de la terre, ou ne se mussent on profund des estangs et palus comme grenoilles, touts $eront à perdition mis par la puissance et sagettes des Scythes.»

Le noble Pantagruel, en l’art de jecter et darder, eslolt sans comparaison plus admirable. Car avecques ses exhorribles piles et dards (lesquels proprement

(1) Georges, duc de Clarence, étouffé à la tour de Lon= dres en 1478.

(2) Vests, pour Va, en picard.

ressembloient aulx grosses poultres sus lesquelles sont les ponts de Nantes, Saulmur, Bergerac, et à

-Paris les ponts au Change et aux Meusniers soustenus,

en longueur, grosseur, poisanteur et ferrure), de mille pas loing, il ouvroit les huistres en escalle sans toucher les bords; il eemouchoit une bougie sans l’exteindre, frappoit les pies par l'œil, dessemeloit les bottes sans les endommager, deffourroit les barbutes sans rien gaster, tournoit les feuillets du bréviaire de frère Jean l’un après l’aultre sans rien dessirer. Avecques tels dards, desquels estoit grande munition dedans sa nauf, au premier coup, il enferra le physétère sus le front, de mode qu'il lui transperça les deux machoires et la langue, si que plus ne ouvrit la gueule, plus ne puisa, plus ne jecla eau. Au second coup, il lui creva l’œil droict. Au troisiesme l'œil gausche. Et fut vu le physétère en grande jubilation de touts porter ces trois cornes au front, quelque peu penchantes d'avant, en figure triangulaire équilatérale ; et tournoyer d'un costé et d’aultre, chancellant et forvoyant, comme eslourdi, aveuglé et prochain de mort. De ce non content, Pantagruel lui en darda un aultre sus la queue, penchant pareillement en arrière. Puis trois aultres sus l’eschine en ligne perpendiculaire, par équale distance de queue et bec trois fois justement compartie.Ænfin lui en lancea sus les flancs cinquante d'un costé et cinquante de l’aultre. De manière que le corps du physétère sembloità la quille d'un gallion à trois gabies, emmortaisée par compétente dimension de ses poulitres, comme si fussent cosses et portehausbancs de la carine. Et estoit chose moult

plaisante à voir. Adoncques mourant le physétère se

renversa ventre sus dors, comme font touts poissons morts; et ainsi, renversant les poultres contre bas en

mer, ressembloit au scolopendre serpent ayant cent

pieds, comme l’ha descript le sage ancien Nicander.