A IS

Passoit par les salles et lieux ordonnés pour d'escrime : et là contre les maistres essayoit de touts bastons, et leur montroit par évidence, qu’aultant, voire plus, en sçavoit qu'iceulx. Et au lieu d'arboriser visitoient les boutiques des drogueurs , herbiers, et apothécaires, et soigneusement considéroient les fruicts,

racines, feuilles, gommes , semences , axunges péré-

grines, ensemble aussi comment on les adultéroit, Alloit voir les basteleurs, trajectaires et thériacleurs, et considéroit leurs gestes, leurs ruses , leurs sobresaults et beau parler : singulièrement de ceulx de Chaunys en Picardie, car ils sont de nature grands laseurs, et beaulx bailleurs de baïllivernes en matière de singes verds. Eulx retournés pour souper, mangeoient plus sobrement qu'és aultres jours, et viandes plus désiccatives et exténuantes , affin que l'intempérie humide de l’aer communiquée au corps par nécessaire confinité, fust par ce moyen corrigée et ne leur fust incommode par ne soi estre exercités, comme avoient de coustume.

Ainsi fut gouverné Gargantua, et continuoil ce procès de jour en jour, profictant comme entendez que peult faire un jeune homme selon son age de bon sens, en tel exercice, ainsi continué. Lequel combien qu’il semblast pour le commencement difficile, en la continuation tant doulx fut, léger et délectable, que mieulx ressembloit un passe-temps de roi que l'estude d'un escholier. Toutesfois, Ponocrates, pour le séjourner de ceste véhémente intention des espe rits, advisoit une fois le mois quelque jour bien clair et serein, auquel bougeoient au matin de la ville, et alloient à Gentily, ou à Bologne, ou à Mont-rouge,

ne ee ae mt

mil

où au pont-Charanton, ou à Vanves, ou à Sainct-Clou. Et là passoient toute la journée à faire la plus grand’ chère dont ils se pouvaient adviser : raillants, gaudissants, buvants d'aultant, jouants, chantants, dansants, se veaultrants en quelque beau pré, dénichants des passereaulx, prenants des cailles, peschants aux grenouilles et escrevisses.

Mais encore qu'icelle journée fust passée sans livre et lectures, poinct elle n'estoit passée sans profict. Car en ce beau pré ils recoloient par cœur quelques plaisantis vers de l'agriculture de Virgile, d'Hesiode, du Rustique de Politian ; descripvoient quelques plaisants épigrammes en latin; puis les metloient par rondeaulx et ballades en langue francoise. En banquetant, du vin aigué séparoient l'eau : comme l'enseigne Caton de Re rust. et Pline, avecques un .goubelet de lierre ; lavoient le vin en plein bassin d'eau, puis le retiroient avec un embut , faisoient aller l’eau d'un verre en aultre, bastissoient plusieurs petits

engins automates, c’est- à - dire soi mouvants eulxmesmes.

Gargantua visitant les laboratoires [page 72].