CHAPITRE XXX VII
Comment Gargantua soi peignant faisoit tomber de ses cheveulx des boullets d'artillerie.
Issus la rive de Vede, peu de temps après abordarent au chasteau de Grandgousier, qui les attendoit en grand désir. À leur venue ils se festoyarent à tour de bras, jamais on ne vit gents plus joyeulx : car Supplementum supplementi chronicorum dict que Gargamelle y mourut de joie : je n’en sçai rien de ma part, et bien peu me soucie ni d'elle ni d'aultre. La vérité fut que, Gargantua, se refraischissant d'habillements, et se testonnant de son peigne (qui estoit grand de cent cannes, appoincié de grandes dents d'éléphants toutes entières), faisoit tomber à chascun coup plus de sept balles de boullets qui lui estoient demourés entre ses cheveulx à la démolition du bois de Vede, Ce que voyant Grandgousier, son père, pensoil que fussent poulx, et lui dist : « Dea, mon bon fils, nous as-tu apporté jusques ici des esparviers de Montagu ? Je n’entendois que là tu feisses résidence. » Adone Ponocrates respondit : « Seigneur, ne pensez que je l'aye mis au collége de pouillerie, qu'on nomme Montagu : mieux l’eusse voulu mettre entre les guenaulx de Sainct Innocent, pour l'énorme cruaulté, et villenie
* que j'y ai cognue : car trop mieulx sont traictés les
forcés entre les Maures et Tartares, les meurtriers en la prison criminelle, voire certes les chiens en vostre maison, que ne sont ces malautrus audict collége. Et si j'estois roi de Paris, le diable m’emporte si je ne mettois le feu dedans, et ferois brusler et principal et régents, qui endurent ceste inhumanité devant leurs yeulx estre exercée. »
Lors levant un de ces boullets, dist : « Ce sont coups de canon, que ha receu vostre fils Gargantua passant devant le bois de Vede, par la trahison de vos ennemis. Mais ils en eurent telle récompense qu'ils sont lous péris en la ruine du chasteau : comme les Philistins par l'engin de Samson, et ceulx qu'opprima la Lour de Siloë, desquels est escript, Luc., 43. Iceulx je suis d’advis que nous poursuivons, ce pendent que l'heur ést pour nous; car l’occasion ha tous ses cheveulx au front : quand elle est oultrepassée, vous ne la pouvez plus revoquer : elle est chaulve par le derrière de la teste, et jamais plus ne retourne. — Vraiement, dist Grandgousier, ce ne sera pas à ceste heure, car jé veulx vous festoyer pour ce soir, et soyez les très bien venus. »
Ce dict, on appresta le souper; et de surcroist feurent
(1) Le Duchat fait remarquer qu’Elien, Anim., xvi, et Homère, lliade, x, disent le contraire,
rostis seze bœufs, trois genisses, trente et deux veaux, soixante et trois chevreaulx moissonuiers, quatrevingts quinze moutons, trois cents gorrets de laict à beau moust, unze vingts perdrix, sept cents becasses, quatre cents chapons de Loudunois et Cornouaille, six mille poullets et aultant de pigeons, six cents galinottes, quatorze cents levraulx, trois cents et trois ouslardes, et mille sept cents hutaudeaulx : de venaison, l'on ne put tant soubdain recouvrer, fors unze sangliers qu'envoya l'abbé de Turpenay, et dix et huict bestes faulves que donna le seigneur de Grandmont; ensemble sept vingts faisans qu’envoya le seigneur des Essars, et quelques douzaines de ramiers, d'oiseaulx de rivière, de cercelles, butors, courtes, pluviers, francolins, cravants, tyransons, vannereaulx, tadornes, pochecullières, pouacres, héronneaulx, foulques, aigrettes, cigognes, cannes petières, oranges, flammants (qui sont phénicoptères|, terricoles, poulles de Inde, force coscossons (1), et renfort de potages. Sans poinct de faulte y estoit de vivres abundance : et furent apprestés honestement par Frippesaulce, Hoschepot et Pilleverjus, cuisiniers de Grandgousier. Janot, Micquel et Verrenet, apprestarent fort bien à boire,
