CHAPITRE LIL
Comment fut bastie et dotée l’abbaye des Thélémites.
Pour le bastiment et assortiment de l’abbaye, Gargantua feit livrer de content vingt et sept cents mille huict cents trente et un moutons à la grand'laine, et par chascun an jusques à ce que le tout fust parfaict, assigna sus la recepte de la Dive, seze cents soixante et neuf mille escus au soleil, et aultant à l’estoille poussinière. Pour la fondation et entretènement d'icelle donna à perpétuité vingt et trois cents soixante neuf mille cinq cents quatorze nobles à la rose de rente foncière , indemnes , amortis et solvables par chascun an à la porte de l’abbaye. Et de ce leur passa belles lettres.
Le bastiment fut en figure hexagone, en telle facon qu’à chascun angle estoit bastie une grosse tour ronde à la capacité de soixante pas en diamètre ; et esloient toutes pareilles en grosseur et portraict. La rivière de Loire découloit sus l’aspect de Septentrion. Au pied d’icelle estoit une des tours assise, nommée Arctice. En tirant vers l'Orient estoit une aultre nommée Calaer. L’aultre ensuivant Anatole, l'aultre après Mesembrine, l’aultre après Hesperie: la derniere, Cryere {1}. Entre chascune tour estoit espace de trois cents douze pas. Le tout basti à six estages, comprenant les caves soubs terre pour un. Le second estoit voullé à la forme d'une anse de panier. Le reste estoit embrunché de gui de Flandres à.forme de culs de lampes. Le dessus couvert d’ardoise fine, avec l’endossure de plomb à figures de petits manequins, et animaulx bien assortis et dorés, avec les gouttières qui issoient hors la muraille, entre les croisées, painctes en figure diagonale d’or el azur, jusques en terre, où finissoient en grands eschenaulx qui tous conduisoient en la rivière par dessoubs le logis
Ledict bastiment estoit cent fois plus magnifique que
n’est Bonivet, ne Chambourg (2), ne Chantilly : car
en icellui estoient neuf mille trois cents trente et deux chambres, chascune garnie de arrière-chambre, cabinet, garderobe, chapelle, et issue en une grande salle. Entre chascune tour. au milieu dudict corps de logis, estoit une vis brisée dedans icellui mesme corps. De laquelle les marches estoient part de porphyre, part de pierre numidique, part de marbreserpentin, longues de vingt-deux pieds, l’espaisseur estoit de trois doigts, l'assise par nombre de douze entre chascun repos. En
chascun repos estoient deux beaulx arceaulx d’antique, par lesquels estoit receue la clarté; et par iceulx on entroit en un cabinet faict à claire-voie de largeur de ladicte vis ; et montoit jusques au dessus la couverture, et là finoit en pavillon. Par icelle vis on entroit de chascun costé en une grande salle, et des salles és chambres. Depuis la tour Arctice jusques à Cryere estoient les belles grandes librairies en Grec, Latin, Hebreu, Francois, Tuscan, et Hespagnol, départies par les divers estages selon iceulx languages. Au milieu estoit une merveilleuse vis, de laquelle l’entrée estoit par le dehors du logis en un arceau large de six toises. [celle estoit faicte en telle symmétrie et capacité, que six
(1) Voyez le Glossaire à la fin.
(2) Dans l'édition de 1535, il n’est question que de Bonivel, château commencé près de Châtellerault par l'amiral de ce nom, qui n’eut pas le temps de le finir, ayant été tué x Pavie. Chambord, appelé ici Chambourg, ne fut com-
mencé par François [er qu’en 1536.
9% ; CHEFS-D'OŒUVRE EUROPÉENS.
hommes d'armes, la lance sus la cuisse, povoient de front ensemble monter jusques au dessus de tout le bastiment. Depuis la tour Anatole jusques à Mesembrine estoient belles et grandes galeries toutes painctes des antiques prouesses, histoires, el descriptions de la terre. Au milieu estoit une pareille montée et porte, comme avons dict du costé de la rivière. Sus icelle porte esloit escript en grosses leltres antiques ce que s'ensuit.
