CHAPITRE LV
Comment estoit le manoir des Thélémites. .
Au milieu de la basse court estoit une fontaine magnifique de bel alabastre. Au dessus les trois Graces, avecques cornes d'abundance ; et jectoient l’eau par les mamelles, bouche, aureilles, yeulx, et aultres ouvertures du corps. Le dedans du logis sus la dicte bassecourt estoit sus gros piliers de cassidoine et porphyre, à beaulx arcs d'antique. Au dedans desquels estoient belles galleries longues et amples, ornées de painctures, de cornes de cerfs, licornes , rhinocerots, hippopotames, dents d'éléphants, et aultres choses spectables. Le logis des dames comprenoïit depuis la tour Arctice, jusques à la porte Mesembrine. Les hommes occupoient le reste. Devant ledict logis des dames, afin qu’elles eussent l’esbattement, entre les deux premières tours, au dehors, estoient les lices, l’hippodrome, le théatre, et natatoires, avec les bains mirifiques à triple solier, bien garnis de touts assortiments, et foison d’eau de myrrhe. Jouxte la rivière estoit le beau jardin de plaisance. Au milieu d'icellui le beau labyrinthe. Entre les deux aultres tours estoient les jeux de paulme, et-de grosse balle. Du costé de la tour Cryere estoit le verger plein de touts arbres fructiers, touts ordonnés en ordre quincunce. Au bout estoit le grand pare, foisonnant en toute saulvagine. Entre les tierces tours estoient les butes pour l’arquebuse, l'arc et l'arbaleste. Les offices, hors la tour Hespérie, à simple estage. L’escurie, au de-là des offices. La faulconnerie, au devant d'icelles, gouvernée par asturciers bien experts en l'art, Et estoit annuellement fournie par les Gandiens, Vénitiens, et Sarmates, de toutes sortes d’oiseaulx paragons, aigles, gerfaulx, autours, sacres, laniers, faulcons, esparviers , esmerillons , et aultres : tant bien faicts et domestiques, que partants du chasteau pour s’esbattre és champs, prenoient tout ce que rencontroient. La vénerie estoit un peu plus loin tirant vers le parc.
Toutes les salles, chambres et cabinets estoient tapissés en diverses Sortes selon les saisons de l'année. Tout le pavé estoit couvert de drap verd. Les licts estoient de broderie.
En chascune arrière chambre estoit un miroir de
En
crystallin enchassé en or fin, autour garni de perles, et estoit de telle grandeur, qu'il povoit véritablement représenter toute la personne. À l'issue des salles du logis des dames estoient les parfumeursettestonneurs, par les mains desquels passoient les hommes, quand ils visiloient les dames. Iceulx fournissoient par chascun matin les chambres des dames, d’eau rose, d'eau de naphe, et d'eau d'ange, et à chascune la précieuse cassolelte vaporante de toules drogues aromatiques.
