FAY CE QUE VOULDRAS
Parce que gents libères, bien nés, bien instruicts, conversants en compagnies honestes, ont par nature un instinct et aguillon, qui tousjours les poulse à faicts vertueux, et retire de vice : lequel ils nommoient hopeur. Iceulx, quand par vile subjection et contraincte sont déprimés et asserwis, destournent la noble affection par laquelle à vertus franchement tendoient, à déposer et enfreindre ce joug de servitude. Car nous entreprenons tousjours choses deffendues, et convoitons ce que nous est dénié. Par ceste liberté entrarent en louable émulation de faire touts ce qu'à un seul voyoient plaire. Si quelqu'un ou quelqu'une disoit buvons, touts buvoient. S'il disoit jouons, touts jouoient. S'il disoit allons à Tesbat és champs, touts y alloient. Si c'estoit pour voler, ou chasser, les dames, montées sus belles haquenées, avecques leur palefroi gorrier, sus le poing mignonnement engantelé portoient chascune ou un esparvier, ou un laneret, ou un esmerillon : les hommes portoient les aultres oiseaulx. Tant noblement estoient apprins, qu’il n’estoit entre eux cellui, ne celle, qui ne sceust lire, escripre, chanter, jouer d'instruments harmonieux, parler de cinq à six languages, et en iceulx composer, tant en carme qu’en oraison solue. Jamais ne furent vus chevaliers Lant preux, tant galants, tant dextres à pied, et à cheval, plus verds, mieulx remuants, mieulx maniants touts bastons, que là estoient.
1} Physique de l’époque.
96 CHEFS-D'OŒUVRE EUROPÉENS.
Jamais ne furent vues dames tant propres, tant mignonnes, moins fascheuses, plus doctes, à la main, à l’aguille, à tout acte mulièbre honeste et libère, que là estoient.
Par ceste raison, quand le temps venu estoit que aulcun d'icelle abbaye, ou à la requeste de ses parents, ou pour aultre cause voulust issir hors, avecques soi il emmenoit une des dames, celle laquelle l'aurait prins pour son dévot, et estoient ensemble mariés. Et si bien avoient vescu à Thélème en dévotion et amitié, encore mieulx la continuoient-ils en mariage : aultants’entreaimoient-ils à la fin de leurs jours, comme le premier de leurs nopces. Je ne veulx oublier vous descripre un énigme qui fut trouvé aux fondements de l’abbaye, en une grande lame de bronze. Tel estoit, comme s'ensuit .
