SAINT-POL
Galice, de la Guerbe et d'Argésile, à tous ceulx qui orront ou verront ces présentes lettres, salut.
« Savoir faisons que comme nostre amé chevalier messire Jehan de Saint-Poul soyt détenu es prinsons de noble et puissant le conte de Flandres, nous promettons et nous obligions audit conte en bonne foy en cas que il mettra au délivre nostre dit chevalier, que jamais ou temps à venir à celuy titre, ne pour celé cause, nous, ne celuy messire Jehan, ne ferons guerre, ne ne porterons domage audit conte, à ses subgès, ne terres, et ce nous promettons en bone foy et en parrole de roy.
« En tesmoing de ce nous avons escript nostre non en ceste présente lettre et fait séeler de nostre seau.
« Donné en nostre ville de Thore le XVIIP jour de novembre mil CGC. LXIX.
« Nos el Rey. »
« A tous ceulx qui verront et ourront ces présentes lettres.
« Bertran du Guerclin, duc de Molines, conte de Longueville et de Bourges, Olivier , seigneur de Montauban , Guillaume de Laval, seigneur de Pacy, Olivier de Mauny , seigneur de Lesnen, le Beigue de Villainnes, Jaques de Penehoëdic, Morice de Trezéguidi, Guillaume de Lannoy, Alain de Beaumont, Alain de laHoussaie, Eon du Laquoët, chevaliers, Alain de Saint-Poul, Raoulet de Saint-Poul , escuiers, salut.
« Savoir faisons que comme nostre très-chier cousin , frère et compaignon, messire Jehan de Saint-Poul soit détenu de son corps es prisons de très-noble et puissant seigneur le conte de Flandres, nous et chascun de nous promettons par la foy et serement de nos corps et sur l'obligation de tous nos biens présens et advenir que jamès nous, ne l'un de nous ne ferons, ne ferons faire guerre â cellui conte de Flandres, ne à sa terre à cause de la prison dudit monsei-
SAINT-POL. 8i
gneur Jehan en cas qu'il le mettra au délivre entièrement, et mesmement promettons sur l'obligation dessusdicte que cellui monseigneur Jehan de Saint- Poul à cause d'icelle prison ne fera, ne ne fera faire guerre à cellui conte, comme dit est, ne à ses terres et subgès.
a En tesmoing des choses dessusdictes chascun de nous lesdis Bertran du Guerclin, Olivier de Mauny, le Beigue de Villainnes, Jaques de Penehoëdic, Morice de Trezéguidi, Guillaume de Lannoy, Alain de Beaumont et Eon du Laquoët, avons mis en ces présentes lettres nos propres seaux ; et nous, Olivier de Montauban, Guillaume de Laval, Alain de la Houssaie, Alain et Raoulet de Saint- Poul avons fait mettre en ces présentes le séel dudit monseigneur Bertran du Guerclin à nostre requeste pour ce que nous n'avions propres seaux.
« Données à Thore le XVIII' jour de novembre l'an mil CGC LXIX.
« Et je Alain de Beaumont dessusdit ay fait mettre en ces lettres le séel doudit messire Eon de Laquoët pour ce que je n'a vois propre séel.
« Donné comme dessus, »
« A tous ceulx qui ces lettres verront ou orront.
« Bertrand du Gueskin, duc de Molines, conte de Burges et de Longueville, connestables de France, et Oliviers de Mauny, sires de Lesnen et d'Aigrette, chevaliers, salut.
« Savoir faisons que comme haut et puissant prince monsigneur le conte de Flandre ait piècha fait prenre et par longtamps détenu prisonnier en ses prisons nostre obier et boin ami monseigneur Jehan de Saint-Poul, chevalier, et darrainement à nostre pryère se soit consentis ou veulle consentir à sa délivrance, nous audit monseigneur le conte de Flandres avons promis et promettons en boine foy que à cause de la prise et détention dudit monseigneur Jehan de Saint-Poul, ne pour occasion des griés, injures, dommages ou intérès qui à jcellui monseigneur Jehan
aient estet ou soient fais par ledit monseigneur de Flandres ou par ses gens, officiers et subgès, jamais mal, dommages ou inconvéniens ne venront, ne seront fais par ledit monseigneur Jehan de Saint-Poul, ses amis, ne autres à cause d'euls audit monseigneur le conte de Flandres , à madame la contesse de Flandres et d'Artois, sa mère, à leurs successeurs , gens , officiers , subgès , pays et terres, ne à aucuns d'iceuls, et de ce nous faisons fors chascuns pour le tout, et aveuc ce avons promis et promettons par nos fois et seremens fais sur les Sains-Ewangilles de Dieu , chascuns pour le tout , comme dit est , audit monseigneur de Flandres que ou cas que ycellui monseigneur Jehan de Saint-Poul, ses dis amis ou autres à cause d'euls feroient ou tamps à venir pour occasion des choses dessusdictes ou d'aucunes d'icelles aucuns griés, dommages ou inconvéniens audit monseigneur le conte de Flandres, madame la contesse sa mère, leurs dis successeurs, officiers, gens, subgès et pays ou à aucuns d'iceuls, nous les ferons, dedens un mois après ce que nous en serons requis , réparer, adrecier et restituer aveuc tous cous, frais et despens qui pour ce seront fais, et quant ad ce obligons chascuns pour le tout envers le dit monseigneur de Flandres et ledicte madame la contesse sa mère et leurs dis successeurs, nous, nos hoirs et successeurs et tous nos biens meubles et non meubles, présens et à venir, lesquels nous submettons à la juridiction et contrainte du roy nostre sire et de tous autres signeurs et justiciers.
« En tesmoing de ce nous avons fait mettre nos seauls à ces lettres.
« Donné à Paris, le VPjour de octobre l'an mil CGC soissante et dix. »
« Atousceulsqui ces lettres verront ou orront, Jaquèmes de Penhodich, cambrelent à monssigneur le duc de Bourgongne, chevaliers, salut.
u Savoir faisons que comme haut etpuissant prince mon-
seigneur le conte de Flandres ait piècha fait prenre et par longtamps détenu prisonnier en ses prisons nostre chier et boin ami monseigneur Jehan de Saint-Poul, chevalier, et derrainement à nostre pryère se soit consentis ou veulle consentir à sa délivrance, nous audit moaseigneur le conte de Flandres avons promis et promettons en boine foy que à cause de la prinse et détention dudit monseigneur Jehan de Saint-Poul, ne pour occasion des griés, injures, dommages ou intérès qui à ycellui monseigneur Jehan de Saint-Poul aient esté ou soient fais par ledit monseigneur de Flandres ou par ses gens, officiers et subgès, jamais mal, domages ou inconvéniens ne venront, ne seront fais par ledit monseigneur Jehan de Saint-Poul, ses amis , ne autres à cause d'euls audit monseigneur le conte de Flandres , à madame la contesse de Flandres et d'Artois sa mère , à leurs successeurs, gens, officiers, subgès, pays et terres, ne à aucuns d'iceuls, et aveuc ce avons promis et promettons par nos fois et seremens fait sur les Sains Éwangiles de Dieu audit monseigneur de Flandres que ou cas que ycellui monseigneur Jehan de Saint-Poul, sesdis amis ou autres à cause d'euls feroient •ou tamps à venir, pour occasion des choses dessusdictes ou d'aucunes d'icelles, aucuns griés, dommages ou inconvéniens audit monseigneur le conte de Flandres, madame la contesse sa mère, leurs dis successeurs, officiers, gens, subgès et pays ou à aucuns d'iceuls, nous les ferons, dedens un mois après ce que nous en serons requis, réparer, adrecier et restituer aveuc tous cous, frais et despens qui pour ce seront fais, et quant ad ce obligons envers ledic monseigneur de Flandres et ladicte madame la contesse , sa mère et leurs dis successeurs nous, nos hoirs et successeurs, et tous nos biens meubles et non meubles, présens et à venir, lesquelx nous submettons à la juridiction et contrainte du roy nostre sire et de tous autres signeurs et justiciers.
