BRUGES

Voici comment la continuation des Chroniques de Saint- Denis (ms. n° 4 de la Bibliothèque de Bourgogne) rapporte la soumission de Bruges après la bataille de Roosebeke : « Le jeudi XXVIIe jour dudit mois de novembre, le roy et ses gens qui savoient ledit d'Arteveile et ses Flamens près de euls aus champs, se mistrent en ordenance et en batailles et se mistrent en chemin pour aler contre lesdis Flamens, et les approchièrent tant que lesdis Flamens povoient traire jùsques à Tavant-garde des gens du roy. Toutevoyes les gens du roy s' approchièrent d'euls et leur coururent sus sur une petite montaingne, là où estoit ledict Philippe d'Arteveile et ses Flamens, près d'un petit village appelé Rosebech, et tantost furent yceuls Flamens desconfis qui estoient bien en nombre XLm, sicomme on les povoit estimer. Et furent XXVm ou plus desdis Flamens mors sur la place, entre lesquels fu mort ledit Philippe d'Arteveile ; et avecques ce furent mort grant foison desdis Flamens qui s'enfuyoient en la chace que l'en faisoit après euls. Et toute celle journée demoura le roy en son logeis, et le vendredi ensuivant XXVIIIe jour dudit mois, le roy parti de son logeis et ala à Thoroult ; et le XXIXe jour dudit mois vindrent ceuls de Bruges euls rendre à luy, et le roy les receut par le traittié qui s'ensuit, c'est assavoir que ils tendront d'ores en avant le roy et ses successeurs roys de France à tousjours leur seigneur souverain, et à luy et à ses lieutenans, baillis, prévos, sergens et autres officiers quelsconques obéiront et ressortiront en son parlement à Paris en cas de ressort et de souveraineté, et luy garderont ses drois royaulx et les tendront sans enfraindre. Item toutes fédérations et aliances faites ou consenties à faire par euls ou aucuns d'euls ou par autres d'euls et pour euls et en leurs noms avecques Anglois ou autres ennemis du roy , tant des temps de Jaques et Philippe d'Arteveile comme d'autres temps en quelconque manière que ce soit, ils tendront comme nulles et comme