JEAN BOURCHIER GOUVERNEUR DE GAND

d'Escornay dist et respondy as lettres le duc de Bourgongne et as messages , que tousjours li garnisons d*Audenarde li avoient fait guerre en triève et hors triève , et tolut son hiretage, et que à eux il navoit donné, ne acordé nulle triève \ et que il avoit pris Audenarde en bonne guerre, si le tenroit jusques à ce jour que Flandres et Gand seroient tout en un *, comme son ' bon * hiretage, car point n*en avoit ailleurs, qui ne fust tous perdus par la guerre. Les coses demorèrent en cel estât, ne on n en pot autre cose avoir. De la petite garde François Acremen en fu durement blasmés , et par espécial dou signeur de Herselles , et tant que François s*en couroucha au chevalier, et en prist parolles dures et hayneuses, et dist que en tous cas il s*estoit mieux aquités envers cheux de Gand que ^ il ne fust®, et mouteplièrent tant les parolles, qu'il s'en démentirent '. Assés tos apriès, li sires de Herselles fu ochis , et voellent li aucun dire que François Acremen et Piètres dou Bos le fissent * ochire par envie ^.

En che tamps avoient requis li Gantois au roy d'Engletière, à avoir un gouverneur, vaillant homme, qui fust dou linage et dou sanc dou roy, sique li rois et ses consaulx envolèrent à Gand un de leurs chevaliers, vaillant homme et sage assés, pour avoir le gouvernement de la ville, liquels estoit nommés messires Jehans Boursier. Chils ot le gouvernement de Gant plus de an et demy.

• Ne respit. — • Ensemble — •• Propre. — •-* Ne fist li dis chevaliers. — * Li ung Tautre. — *-* Paire , car il ne furent pas au faire le fait.