DU DUC D ANJOU

leur estoit hautement honnerable. Si ordonnèrent leurs besongnes et se missent au cemin dou plus tÔs qu'il peurent, avoecques belle cargo de gens d armes ; mais, quant il furent venu jusques en Avignon, et entrues que il entendoient à leur besongne pour passer oultre et faissoient passer leurs gens, nouvelles certaines vinrent que li dus d'Ango estoit mors ^ en un castiel dalés Naples ^. Li sires de Couchi, pour ces nouvelles, nala plus avant, car bien veoit que ses voiages estoit brissi^g ; mais li contes de Conversant passa oultre, car il avoit à faire grandement en son païs en Puille et en Conversant. Ces nouvelles furent tantos sceues en France au roy et à ses oncles : si portèrent et passèrent le mort dou roy de Sésille au plus bel qu il peurent.

Quant madame d'Ango qui se tenoit à Anghiers, entendy ces nouvelles de son signeur que il estoit mors , si poés et devés bien croire et savoir que elle fu moult ^ destourbée ^ et desconfortée. Sitos que li contes Guis de Blois qui ly estoit cousins germains , qui se tenoit pour le tamps em Blois, sceut les nouvelles , il se party de Blois atout son aroy, et vint vers sa cousine à Anghiers, et se tint dallés ly un grant tamps en ly consillant et reconfortant à son loial pooir. Depuis sen vint en France la roine qui sescripsoit roine de Naples , de Sésille , de Puille et de Calabre et de Jhérusalem , devers le roy et le duc de Berri et le duc de Bourgongne, pour avoir le conseil et te^i^onfort deux, et amena ses deus enflans avoecques ly , Lois et Charlo. La dame fu consillie des nobles de France et de son sanc que elle se traisist en Avignon devers le pappe et presist posession de la ducée de Prouvence qui est terre appartenans au roy de Sésille, et se fesist couronner dou

' * Kn la bonno cité de Bar. — '* Dolente.