SOUFFRANCES DES FRANÇAIS

Encores y ot pis et une trop grant dureté pour les François ; car, quant il furent venu en Escoce et il se vorent monter, il trouvèrent les chevaulx si chiers que che qui ne deuist valloir que X florins, il en valloit * LX et C . Encores à grant dur en pooit-on recouvrer, et quant on estoit monté, on ne pooit trouver point de harnas , se il ne Tavoient fait venir avoec eux de Flandres. En che dangier se trouvoient li François; et oultre *, quant leur varlet aloient en fourage pour fouragier , on leur laissoit bien cargier leurs chevaux de tout che que il voloient prendre et trouser ; mais au retour on les atendoit sur un pas où il estoient villainement destrousé et batu et souvent ochis , et tant que nuls variés n osoit aler fouragier pour le cremeur de estre mors , car sour un mois li François perdirent plus de C varies, et, quant il aloient en fourage III ou IIII ensamble , nuls n en retour noit.

Enssi estoient-il menet, et avoec tout che li rois d^Escoce se faissoit dangier de traire avant ; ossi faissoient chevalier et escuier d'Escoce pour la cause de ce que il dissoient que il ne voloient point celle saisson faire de guerre as Englès , afin que il fuissent pryet et acatet bien et chier. Et convint, avant que li rois vosist issir de la sauvage Escoce et venir en Haindebourc , que il euist une grande somme de florins pour luy et pour ses gens , et promist et séella messires Jehans de Viane qui estoit là souverains chiés de tous, que point il ne vuideroit dou païs, se seroient li rois et toutes ses gens satisfais : autrement il n euissent eu nulle aide des Escos. Se ly convenoit faire che marchié ou pieur ; et encores, quant il ot tout le milleur acord et la grignour amour qu'il peut avoir à eux , si ne fissent -il

* XL. — • Plus.