PÉRILS

femme fist Tensonnyëe aval sa maison et autour du feu et à ung aultre petit enfant qui gisoit ens ou repos. Le conte de Flandres entra en che solier et se bouta au plus bellement et coiement que il puet entre le kieute et Testrain de che povre litteron , et là se quati et fist le petit , car faire lui convenoit. Reynier Canipion ne s oublia mie , ains vint au toucquet de la ruelle avec les premiers routiers qui entrèrent en cheste ruelle ; il se bouta et alla de maison en maison avoecques eulx , tant que il vinrent en la maison de la povre femme. Il trouvèrent chelle povre femme séant à son feu, qui tenoit son petit enfant. Tantos Reynier luy demanda : « Femme, où est uns homs que « nous avons veu entrer chéans et puis le huys reclore ? » « — Et par ma foy, dist-elle, je ne vy huy de chelle nuyt entrer « homme chéans; mais j'en issy, n'a pas grantment,et jettay un « peu d'yauwe hors et puis recloy mon huis ; ne je ne le saroye « où muchier. Vous veés toutes les aisemenches de chéans. « Veés-là mon lit , et là sus gisent mes enfans. » Adont demanda Reynier de la chandelle. Elle lui bailla , et Reynier monta amont sur une petite eschiellette et bouta se tieste ou soUier et regarda amont et aval et fist samblant que il n'y eubst nuUuy. Adont dist-il à ses compaignons : « Allons , allons , nous « perdons le plus pour le mains. On ne peut trouver richesse « en povrcs gens. La povre femme dist voir , il n'y a âme « chéans fors ly et ses enfans. » A ches parolles issirent hors de la petite maison de la femme et s'en allèrent router aultre part, et oncques depuis n'y vint nuls , qui mal y volsist. Toutes ches parolles avoit oyes le conte de Flandres qui estoit quatis et muchiés desoubs che propre literon. Si poés bien croire qu'il n'estoit point assurés de sa vie, car il estoit ou vouloir d'autruy et non de lui. Or regardés, vous qui oés cheste histoire, les merveilleuses aventures ou fortunes qui advenoient par le plaisir de Dieu, car aultrement il n'en fust riens, sur che grand signeur et prinche le conte de Flandres Loys , que au matin il se veoit et estoit ungs des plus grans prinches de la terre des chrestiens par linage et par puissanche de pays (car, lui estant bien de ses

gens de Flandres, nuls aultres prinches ne luy povoit grever, ne nujre , et si estoient de XVII rojaulmes tous désirans de envoyer en sa conté de Flandres leurs denrées à port pour vendre ) , et au« vespre il fu tels que il le convint repondre et muchier en chelle povre maison de povre femme , car la maison n'estoit pas maison de tel prinche , ne seigneur , de salles , de chambres, ne de manandries, ne de tel chose qu'il fault à un hostel de prince , ains estoit une povre maisonchelle enfumée, aussy noire que ungs atremens de fumiôre de tourbes, et n'y avoit en chelle maison fors le bouge devant et une povre ceutelette de vièse toille enfumée pour esconser que le vent ne férust ou feu, et -son lit estoit par terre, et par dessus ung povre sollier ouquel on montoit par une esqueillette de VII esqueillons , et en che sollier avoit ung povre litteron où li povre enfant de la femme gisoient. Ches merveilleuses aventures ou fortunes donnent grant exemple à tous prinches et à toutes aultres gens que les dons de fortune mondaine ne sont point estables, et que nuls ne s'i doit fyer, ne asseurer, quant ungs tels prinches et sires ne s'en peut asseurer : dont chescuns doibt prendre en patienche les fortunes que Dieux luy envoie , car au besoings Dieux ne fault point à son aray, comme il ne fist à Job, Boesce et Socrate et pluiseurs aultres , et fait et fera. Nous lairons le conte de Flandres en che parti et parlerons de cheulx de Bruges et commant cheulx de Gand persévérèrent. Nous y revenrons bien quant .point sera.

Françoys Acremen estoit li uns des plus grans capitaines ' des * routiers , et fut envoyés de par Philippe d*Artevelle et Piètre dou Boys pour cherchier et router en la ville de Bruges , et il gardoient le marchié et gardèrent toute la nuit et au lendemain jusques à tant quil se veii^nt ^ comme ^

'-"Deces. — »*Du tout.