SUITE DE LA CHEVAUCHÉE
Enssi vint messires Henris de Boësme, marquis de Blancquebourc , à Tiretière dou roiaulme de Honguerie , dont il fust rois le plus par force et le mains par amours, tant que au consentement de la vielle roine , mais faire ly convint ou chéir en pieur marcliié.
Ches nouvelles furent tantos avoUées en France devers cel évesque et les Hongryens qui là estoient et qui au chemin mettre se voloient; et jà estoit li contes de Valois partis et venus à Troyes en Campaigae, et avoit pris congiet au roy et à son oncle de Bourgongne* Quant ces nouvelles ly vinrent en le main, porter ly convint ^ : autre cose n'en pot avoir. Si partirent li Hongrien tout courouchié , bien y avoit cause, et li contes de Valois retourna à Paris devers le roy, et li pluiseur de France, grant signeur et dou sanc dou roy, ne fissent compte de ce contre-mariage de Honguerie , et dissent que li contes de Valois estoit bien euwireux quant on ly avoit tolut sa femme ; car Honguerie est uns trop Iontains païs et mal en le main pour les François, ne jà n'en eussent esté aidié, ne conforté. On mist ces coses en noncalloir, et on repensa à un autre mariage pour le dit conte à la fille le signeur de Mellans, qui seroit hoirs de toute Lombardie, laquelle terre est * plus rice et plus crasse que ne soit Honguerie ^, et mieux à main pour les François. Nous lairons ester de ces mariages, et parlerons dou duc de Bourbon, qui estoit en Poito, à siège devant Bretuel, et puis retournerons à lamiral de France, messire Jehan de Viane, qui estoit en Escoce, et compterons comment il s y porta.
En celle saison que li rois de France fu en Flandres tant
* En patience, — •' Plus grosse que toute Hongrie.
devant le Dam comme ailleurs , li dus de Bourbon à belle cargo de gens d armes fîst sa chevauchie en Lymozin et en Poito, et y repris t pluiseurs fors et garnisons englesches qui si tenoient, fols que 4'Estin^*^Trencete'*, Arciach, Garnace, Montleu ù VIII lieues de Bourdiaux et Thaillebourc , et Bourc-sus-Carente', et puis s en vint mettre le siège devant Bretuel, un moult bel et fort castiel en Poito, sus les frontières de Lymosin et de Saintonge. De Bretuel est oient capitaines Andrieus Pruiars , englois, et Bertrans de Mont- Trivet, gascons, et avoient là dedens avoec eux grant fuisson de bons compaignons. Sy y ot pluiseurs assaulx et escarmuces et fait pluiseurs grans apertisses d'armes, et priesque tous les jours aus barières y avoit de ceux de dehors à ceux de dedens escarmuce et fait d'armes où il avoit souvent des mors et des blechiés. Et bien dissoit li dus de Bourbon que de là point ne partiroit , si aroit le castiel à sa volonté , car enssi Tavoit-il promis au duc de Berri , la daraine fois que il avoit parlé à luy ; et avint , le siège estant devant Bretuel , que Bertrans de Mont-Trivet , qui estoit li uns des cappitaines, devisoit à faire un fosset par dedens le fort pour eux mieux fortefyer, et enssi comme il le monstroit et devisoit Touvrage à ses gens , evous venir le trait de une dondaine que cil de Tost laissièrent aler, douquel trait et par mésaventure Bertrans fu aconsievois et là ocis , liquels estoit en son tamps escapés de ^ XVI * sièges tous périlleux. De la mort de Bertran furent li compaignon de Bretuel tout eflraé et couroucliié, mais amender ne le peurent. Sy demora Andrieus Piniiars "^ cappitains. Depuis , environ XV jours , fu uns traitiés fais de ceux dou fort à ceux de lost, et se rendirent le castiel et les
*-• Le San. — '* Troncéte.. Troucôte. — V XXVI. — ' Seul.
