EN ANGLETERRE

« leurs consaulx que la conté de Flandres générallement et « les bonneis villes de Flandres qui jadis fissent ce prest, fontde ' « tout ce ravoir requeste et demande, et, quant on nous ara « rendu et restitué che en quoy li rois d'Engletière et li « roiaulmes est par deptes tenus et obligiés envers nous, li « rois d'Engletière et ses gens aront belle entrée de venir « en Flandres. Encores vault mieux que nous nos aidons dou a nostre que li estragnier, et jamais ne le porons ravoir « plus légièrement que maintenant ; car li rois d'Engletière « et li roiaulmes d'Engletière ne se eslongeront mies de « avoir l'entrée, Tamour, le confort et Taliance d un tel pais « comme à présent est la conté de Flandres, car encores « n*ont li Englès dessus les bendes de mer mouvant de « FEscluse jusques à Bourdiaux, excepté Callais, Chièrea bourc et Brest, nulle entrée par où il puissent entrer en « France. Se leur venra li païs de Flandres grandement à « point; car Bretaigne, excepté Brest, leur est toute close, « et est li dus de Bretaigne jurés à estre bons François, et, « se il ne Testoit, se le devenroit-il pour Tamour de son « cousin no signeur le conte de Flandres. » Adont respondirent tout cil qui entendu Favoient et qui à ce conseil estoient, et dissent : « Phelippe , vous avés très-bien dit et « sagement parlé , et nous volons que il soit enssi que vous « Favés ordonné et devisé , et qui ordonneroit dou con- « traire, il ne vorroit pas le proufit de Flandres. »

Phelippes d'Artevelle * ne séjourna pas adont longement , mais ordonna sus che conseil et proupos, et en escripsi à Piètre dou Bos et à Piètre le Wintre, qui estoient à Bruges capitaines , et ossi à ceulx de Yppre et de Courtray. Il sambla à cascun bon de enssi faire. Sy furent esleu et avisé

• Après ceste conclusion prinse,