X. — PROISSART

Si DISCORDES ENTRE LES FLAMANDS

fortifieroient en aucune manière. Adont fu avissé ou conseil dou roy que le messagier Phelippe d'Artevelle, que on tenoit en prison, on déliveroit, et que au voir dire on n'avoit nulle cause dou tenir. Sy fu délivrés et envoyés » en Flandres et devant Audenarde, où li os estoit ^.

En che tamps avoient cil de Bruges pris des bourgois de Tournay et retenu et mis en prison , et monstroient li Flament que il avoient ossi chier la guerre as François comme la pais. Quant cil de Tournay veirent ce , si fissent tant que il atrapèrent et' retinrent devers eux des bourgois de Courtray et les amenèrent prisonniers à Tournay. Enssi se nourrissoient haines entre les Tournisiens et les Flamens. Toutesfois li signeur de Tournay, qui ne voloient mies de leur fait avoir title de guerryer les Flamens qui estoient leurs voisins , sans avoir commandement dou roy de France , dont il n*av oient encores nul , avisèrent que il envoieroient II de leurs bourgois devant Audenarde parler à Phelippe d'Artevelle pour savoir se intention et pour ravoir leurs bourgois ' et rendre ossi en escange ceulx qu'il

tenoient. Sy y furent esleu de aler et y alèrent Jehan Bon- Enffant et Jehan ^ Piccart^, et vinrent au siège devant Audenarde et parlèrent ® à Phelippe d'Arteyelle , liquels pour lonneur de la citté de Tournay, non pour le roy de France, sicomme il leur dist , les requellit amiablement, car li rois ne Tavoit pas desservi, ne aquis envers le païs de Flandres, quant un messagier pour bien envoie devers luy on avoit retenu et mis en prison. — « Sire , respondirent li doy

* ■ A son maiatro au siège devant Audenarde sans response des lettres que il avoit apportées. — • Que il tenoient en prison. — *-* Piétard. — • Bien au long.