K6 LE COMTE DE NEVERS

rymeurs ^ à Venise et là receus à grant joye. Quant ils furent venus à Venise, ils yssirent des vaisseaulx et se misrent tous sur terre, et rendirent à Dieu grâces et louenges de ce que là ils se trouvoient yssus et délivrés des mains de TAmourath-Bacquin et des mescroians ; car tel fois avoit esté qu'ils ne cuidoient jamais avoir leur délivrance.

Le conte de Ne vers et les signeurs de France, chascun à par luy et à son ordonnance, se retrairent en leurs hostels, car leur délivrance avoit jà esté grant temps en devant signifiée en leurs pays. Si se estoient * près prins * leur gens et ceulx quy ^ les gouvernoient ^, de venir à Venise et de mettre à point et en ordonnance une partie de leur estât. Le conte de Nevers qui souverain estoit de tous, trouva là une partie de ses gens que le duc son père et la duchesse sa mère y avoient envoies, et jà y estoit venu et avoit ung temps séjourné, eneuls attendant, sire Dinde Responde pour la cause de la finance ; car sans luy on ne povoit riens faire. Les seigneurs venus et arrestés en la bonne cité de Venise, clers furent ensonniés d'escripre à toute dilligence lettres, et messagers et varlets mis en euvre pour apporter ces lettres en France et ailleurs, et • signifièrent ' à leurs amis leur venue.

Ces nouvelles furent tantost partout sceues. Si furent resjouis ceulx et celles ausquels et ausquelles elles appartenoient à parvenir et qui resjouis en dévoient estre. Le duc de Bourgoingne et la duchesse sa femme ordonnèrent tantost sur Testât du conte de Nevers leur fils à mettre telle ordonnance comme à luy appartenoit. Et aveuc vaisselled'or et d'argent et draps de chambres et de paremens, vestures et habis pour le corps de leur fils le conte de Nevers furent

* Jusques. — ** Diligentes. — *-* Gouverner les dévoient. • ^ Signifier.