A VENISE
De ces remonstrances et signifiances que les ambassadeurs du roy de Honguerie avoient dittes et remonstrées par bel et courtois langaige, se contemptèrent assés le conte de Nevers et ses consauls, et respondi le sire de Rochefort et dist pour tous que grant merchis au roy de Honguerie quant il se offroit et présentoit si avant que pour vendre et engaigier son héritage pour son cousin le conte de Nevers et que cest amour et grant courtoisie, qui ne fait pas à reffuser, ne à oublier, et que sur ce on auroit conseil et ad vis et bien briefment. Ainsi que il fut dit, il fut fait.
Depuis ne demeurèrent gaires de jours, que il fut dit aux ambassadeurs du roy de Honguerie de par le conte de Nevers que pas il n'appartenoit à luy de vendre, ne d engaigier réritage d'autruy ; mais, s'il plaisoit à ceulx qui puissance en avoient de ce faire, de remonstrer aux Vénisciens qu'ils voulsissent entendre à le accepter ou prester une somme de flourins sus pour aydier le conte de Nevers à payer ses menus frais et rendre au grant prieur d'Acquitaine trente mille flourins, lesquels ilavoit prestes débonnairement en Tisle de Roddes, il leur vendroit moult grandement bien à point et en remerchieroient le roy de Honguerie et son conseil. A ces paroles entendirent grandement les * Hongriens et dirent que ils le feroient et assaieroient les Vénisciens *.
Quant les Vénisciens oyrent parler de ceste matière, ils respondirent froidement et meurement, et dirent que ils en auroient conseil ensemble, et le demandèrent de quinze jours : il leur fut accordé. Au chief de quinze jours, ils respondirent et dirent ainsi, selon ce que je fuis infourme
* Ambassadeurs. — * Si en parlèrent eteur remonstrérent toute ceste ordonnance par semblant de bonne volenté.
64 LOUIS DE SANCERRE EST GRÉA CONHÉTABLB.
par celluy qui fut à la response faire, que, se le roy de Honguerie vouloit vendre tout son royaulme , les Vénisciens, tant que à lachatter et payer les deniers tout * piestement * ils y entenderoient, mais à si petite chose que à sept mille ^ ducas lesquels il a par an de revenue sur la ville de Venise, ils ne sçauroient donner pris, ne valleur, tant que pour vendre, ne pour acheter, et convenoit que la chose demourast en cel estât. Ce fut la response que les Vénisciens firent aux ambassadeurs de Honguerie. Les aucuns supposèrent et ymaginèrent que ceste response par voye de dissimulation les Hongres moiennèrent, quoyque ils l'euissent offert, et le firent couvertement faire.
Si demeura la chose en cel estât, et le roy de Honguerie en sa revenue, et prindrent congié les messages * au conte de Nevers et à son conseil, lequel pour lors avoit delés luy messire Régnier Pot, le sire de Rochefort et messire Guillemme de la Trimouille, et se départirent de Venise et retournèrent en Honguerie, et le conte de Nevers et son estât se tint à Trévise pour la cause de la mortalité qui estoit, comme dit est, si grande à Venise.
Vous avés icy-dessus en nostre histoire bien ouy recorder comment messire Phelippe d'Artois, conte d'Eu et connestable de France, moru sus son lit en la ville de Bursele en Turquie, de laquelle mort tous ses amis furent moult courrouchiés, mais ^ amender ^ ne le peurent, et par espécial le roy de France, car moult Faymoit.
Or vacqua par la mort de celluy conte d'Eu la connestablie de France, laquelle est une moult belle et grande office, et ne puet longuement estre en vacquation que on n'y
*.* Promptement. — " Florins.— * Et ambassadeurs. — ■•• Remédier.
