DE CUPIDO ET D ATROPOS

Lors sans delay de ce print soing et cure. Et commandant à son héraut Mercure D'aller sommer Atropos palle et fade, Pour enuojer suffisant ambassade Qui se rendroit en la cité de Tours (1) Pour bien respondre aux crimes et faux (ours, Dont Cupido et Venus gente et belle Auoient formé encontre elle vn libelle.

Venus aussi eut exprès mandement, D'enuoyer gens de bon entendement, Pour declairer ses tresiustes demandes, Et requérir l'interest et amandes Mil cinq cens vingt, le premier de Septembre, Ses grans estats desquelz ie vous remembre Furent à Tours assignez, puis tenus.

Premièrement de la part de Venus Y veis venir les Grâces ou Charités, Dignes de loz par vertueux mérites, /

Qui toutes trois en triomphant arroy ^ Eurent logis ample à la court le Roy, Apres leur train marchoit celuy d'Hebé, Qui me vint dire : or si tu n'es abbé, Ou grand prélat ayant la teste raze, le logeray auiourdhuy en ta case.

le luy accorde, et comme toute humblette Son lict de camp feit mettre on ma chambrette. De suite aussi venir à chef de pièce Veis Volupté de Venus douce nièce, Qui feit dresser es prez de gloriette Son pauillon, pour estre près et preste,

(1) Est-ce seulement pour la rime, selon l'usage des trouvères? 1520 semble être la date de ce conte imprimé en 1525 dans les Traictés singuliers (Paris, Antoine Couteau.)