II
2 ILLYSTRATIONS DE GAVLE, ET
nom des trois Déesses, lesquelles eurent iadis différent de leurs beautez et prééminences : si en feirent iuge Paris Alexandre, filz du Roy Priam de Troye. Lequel par iugement abusif, préféra Venus, cestadire beauté corporelle et Tolupté sensuelle, aux deux autres Déesses, luno et Pallas, qui signifient science spirituelle ou vertu intellectiue, et richesses de domination temporelle. Pour lesquelles miennes promesses accomplir, lannee passée ie macquitay de la première, et feis imprimer, tant à Lyon comme à Paris le premier liure des Illustrations de Gaule et Singularitez de Troye, desia publié et diuulgué par tout ce Royaume, et ailleurs. Par la teneur duquel on voit clerement, que tant et si longuement, comme Paris meit son estude à contempler la beauté de Pallas, il fut vertueux et bien moriginé : mais depuis quil arresta du tout son regard sur la corpulence de Venus, cestadire, de la belle Heleine, laquelle il rauit et détint iniustement, en brisant et corrompant le sien mariage, et dautruy : il desprisa aussi tout ensemble, le merueilleux pouuoir de la grand Déesse luno, qui domine sur iustes quereles, prouesses, puissances, et conquestes cheualereuses, et loyaux mariages. Parquoy il encourut tout à vue fois lindignation des deux plus vertueuses Déesses : dont icelles ainsi mesprisees, luy furent abonne cause contraires et ennemies : et bien luy rendirent vengeance méritée, qui fut la ruine et destruction totale de luy et de son parentage, comme vous verrez en ce second volume. Et congnoitrez, tresbenigne flouriture Françoise, quelle différence il y ha entre Venus dame de mollesse et de lascheté tresdamnable, et lautre Venus Déesse damours et de beauté pure et nette, qui sentend de vraye amour coniugale et licite. Et ce vous apperra clerement, par la diuersité des mœurs, et des conditions des deux femmes de Paris de
SINGYLARITËZ DR TROYE. LIVBE II. 9
Troye : desquelles la première estoit sa compaigne iuste et légitime par loyal mariage : cestasauoir la treslouable Nymphe Pegasis Oenone : laquelle combien quelle fust répudiée à grand tort, par son mary, vescut neantmoins vertueuse, et perseuera en sa foy et loyauté, iusques à lextremité de sa mort, trespiteuse et treshonnorable. Et lautre, cestasauoir Heleine tresdesloyalle et tresuituperable de toutes parts, si elle vescut en grand honte, encores fina elle en plus grand malheur et misère. Lequel exemple doit estre de grand efficace enuers toutes nobles dames. Vous donques, ô treselegante et tresdelicate noblesse Royale et Ducale, qui représentez en ce grand Royaume vne autre Venus terrienne, vne clere estoille vespertine et matutine : et qui décorez ces mondaines régions, autant comme la clere planette Vénérienne embellit le ciel, prenez en gré le présent que ie vous enuoye de par la Déesse Venus, laquelle vient à toutes choses qui ont estre et nature (1) : non pas celle Venus qui fut mariée à Vulcan le feure des Dieux, qui forge les foudres et tonnoirres de lupiter, et laquelle fut iadis tant amoureuse de Mars le grand Dieu des batailles : car celle Déesse est trop gaye, et trop mignote et lasciue : et pour ceste cause suspecte à toute honnesteté matronale. Si disent les poètes, quelle est mère de Cupido le Dieu damours, lequel ha mauuais bruit de traire aux ieuues gens ses flesches empoisonnées de son arc mortifère, et faire beaucoup de maux parmy le monde : car elle nest pas tousiours ceinte et liée de sa riche ceinture appellee Ceston, cestadire, chasteté nuptiale, qui la garde destre vagabonde et dissolue. Mais lautre bonne Déesse,
(1) L'intitula du prologue dans l'éd. 1512, porte : « dédié à très clere princesse, madame Claude, première fille de France. »
4 ILLVSTRATIONS DE GAVLE, ET
tresuenerable, laquelle ne préside sinon aux saints mariages légitimes, est sans tache et sans macule, comme celle que les Rommains iadis honnorerent de temples et de sacrifices publiques, (1) et lappellerent Venus verticorde : Cestadire, tournant les cœurs des nobles matrones, et mères de famille, à toute inclination de bien et dhonneur : et icelles retirant de folles pensées. Tellement que par le bon motif de ladite Déesse, toutes dames ont puissance de conuertir et refréner par leurs douces persuasions et nobles contenemens les coeurs des hommes aucunesfois enclins à follojer. Et par leur bon exemplaire induire toute la séquelle de leurs pucelles et filles et familières, à bonnes mœurs et à la reuerence et obseruation de pudicité et fidélité matrimoniale, quand elles sont en ce train. Et par conséquent, à la fécondité et procréation, et belle nourriture de noble lignée, par laquelle la chose publique est gardée et preseruee de décadence, le seruice diuin continué, et plusieurs glorieuses âmes en volent au ciel, pour remplir les sièges de Paradis. (2) Lisez donc par aggreable passetemps, nobles Princesses et vostre belle suyte, les ruines de Troye bien vérifiées, par claritude certaine plus que onquesmais ne furent, en attendant que la tresgrande et tresriche Déesse luno vous enuoye le tiers liure, par lequel sera congnue la ressourse et restauration de Ihonneur de Troye, faite par les Princes Francus, Bru tus, et Bauo, voz principaux ancestres et parens, qui depuis la désolation de leur pais vindrent habiter en Gaule : et dont les rayz des vertus se réfléchissent et reuerberent en leur postérité, cestadire en la refulgence
{\) fublieqw» {éd. 1512).
(2) Mdme ponctuation bizarre de cette longue période, dans le manosorit de Genève et dans les plus anciennes éditions.
SINGVLARITBZ DE TROYE. UVRB 11. 5
de vous et des vostres, qui resplendissez au monde, comme fait la belle estoille iournale dite Venus, autrement Hesperus, ou Lucifer, cestadire portant lumière precurseresse du Soleil et de laube du iour : laquelle est le droit souhait des Pèlerins, lespoir des nauigans, le désir des laboureurs, et soûlas de tout le genre humain. A tant tresbenigne audience de noblesse féminine Gallicane et Françoise, le premier Moteur des choses vous doint toute félicité. Escrit aux champs Elysiens, là oti sont Priam, Hector, Francus, Sicaraber, Brutus, et Bauo voz progeniteurs, iadis yssus de Troye, auec leurs trescheres compaignes, sœurs, nièces, et filles, le premier iour de May, Lan de grâce, Mille cinq cens et douze. (1)
(1) Dans l'édition de 1512, ce prologue est précédé du privilège accordé par Louis XII à Jean le Maire et daté de Blois, l" mai 1512. A la suite de cette teneur du privilège ottroyé, on lit : « Lacteur de ce présent livre a communiqué son privilège royal en toute ample manière comme il a obtenu du roy à Geufroy de Marnef Libraire juré deluniversité de Paris, etc. w Le manuscrit de la Bibliothèque de Genève débute, sans prologue, par ces mots du 1" chapitre du second livre : « Çiuand le cler soleil Jih de Hiperion »
ILLVSTRATIONS DE GAVLE, ET
