LE PEUPLE

Or as tu otiy ce que ta dit Noblesse,

Cest bien ung cas qui griefvement nous blesse ,

Prince avions aux nobles familier

En tous endrois de bonté droicturier.

Oncques pour luy ne fust a nul fait tort

Et seullement le voir estoit confort

Tant fust begnin non cruel mais pitable.

A tous faire droit estoit désirable Si aultrement est, cest le conseil daultruy Venant dailleurs, seurement non de luy.

Ses pais tenoit d'un chascun en seurté Tant que maulvais vent ny a jamais heurté. Chascun vivoit en paix sans nulle doubte Pas ny falloit guet ny aultre escoute, Son eust parlé revenu au monde dieu Lon eust cuidé celuy estre en son lieu, Si les sommas des avenus malheurs Que chascun a par force ilz sont leurs, Ne scay au vray racompter ou bien dire, Pour dieu veulles le pencer et escrire, iv. 12