LIVRE I, CHAR. XXX

et qui a le son agréable, retirant aux terminaisons grecques.

Trois d'entre culx, ignorants combien coustera un jour à leur repos et à leur bonheur la cognoissanec des corruptions de deçà, et que de ce commerce naistra leur ruine, comme je présupposé qu’elle soit desjà avancée ( bien misérables de s’estre laissés piper au désir de la nouvelleté, et avoir quitté la doulceur de leur ciel pour venir veoir le nostre !), furent à Rouan du temps que le feu roy Charles neufvicsme y estoit. Le roy parla à eulx long temps. On leur feit veoir nostre façon, nostre pompe, la forme d'une belle ville ; après cela, quelqu’un en demanda leur advis, et voulut sçavoir d’eulx ce qu’ils y avoient trouvé de plus admirable : ils respondirent trois choses, dont j’ay perdu la troisiesme, et en suis bien niarry ; mais j’en ay encore deux en mémoire. Us dirent qu’ils trouvoient en premier lieu fort eslrange que tant de grands hommes portants barbe, forts et armés, qui estoient autour du roy ( il est vraysemblable qu’ils parloient des Souisses de sa garde), se soubmissenl à obeyr à un enfant, et qu’on ne choisissoil plustost quelqu'un d’entre eulx pour commander. Secondement ( ils ont eune façon de langage telle qu’ils nomment les hommes moitié les uns des aultres), qu'ils avoient apperceu qu’il y avoit parmy nous des hommes pleins et gorgés de toutes sortes de commodités, et que leurs moitiés estoient mendiants à leurs portes, descharnés de faim et de pauvreté; et trouvoient estrange comment ces moitiés icy nécessiteuses pouvoient souffrir une telle injustice, qu’ils ne prinssent les aultres à la gorge ou meissent le feu à leurs maisons.

Je parlay à l’un d’eulx fort longtemps; mais j’avois un truchement qui me suyvoit si mal et qui estoit si empcsché à recevoir mes imaginations, par sa bestise, que je n’en peus tirer rien qui vaille. Sur ce que je luy demanday quel fruict il recevoir de la supériorité qu’il avoit parmy les siens (car c’estoit un capitaine, et nos matelots le nommoient roy ), il me dict que e’csloit ; “ Marcher le premier à la guerre. ■» De combien d’hommes il estoit suyvi? il me montra une espace de lieu pour signifier que c’estoit autant qu’il en pourroit en une telle espace; ce pouvoit estre quatre ou cinq mille hommes. Si hors la guerre toute son auctorité estoit expirée? il dict » Qu’il lui en restoit cela que, quand

il visitoit les villages qui despendoient de luy, on luy dressoit des sentiers au travers des hayesde leurs bois, par où il peust passer bien à Payse. « Tout cela ne va pas trop mal : mais quoy ! ils ne portent point de bault déchaussés.