CHAPITRE XXXV
COMMENT GYMNASTE SOUPPLEMENT TUA LE CAPITAINE TRIPET ET AULTRES GENS DE PICROCKOLE
Ces motz entenduz, aulcuns d'entre eulx commencèrent avoir frayeur, et se seignoient de toutes mains, pensant que ce feust un diable desguisé. Et quelqu'un d'eulx, nommé Bon Joan, capitaine des Franc Topins, tj^Ta ses heures de sa braguette et cria assez hault : « Agios ho Theos. Si tu es de Dieu, sy parle ! Sy tu es de l' Aultre, sy t'en va. » Et pas ne s'en alloit, ce que entendirent plusieurs de la bande, et departoient de la compaignie, le tout notant et considérant G\minaste.
Pour tant fcist semblant descendre de cheval, et, quand feut pendent du cousté du montouer, feist soupplement le tour de l'cstriviere, son espée bastarde au costé, et, par
dessoubz passé, se lança en l'air, et se tint des deux pieds sus la scelle, le cul tourné vers la teste du cheval. Puis dist : « Mon cas va au rebours. »
Adoncq, en tel poinct qu'il estoit, feist la gambade sus un pied, et, tournant à senestre, ne faillit oncq de rencontrer sa propre assiete sans en rien varier. Dont dist Tripet : « Ha, ne feray pas cestuy là pour ceste heure, et pour cause. — Bren, dist Gymnaste, j'a}- failly; je veys défaire cestuy sault. »
Lors, par grande force et agilité, feist, en tournant à dextre, la gambade comme davant. Ce faict, mist le poulce de la dextre sus l'arçon de la selle, et leva tout le corps en l'air, se soustenant tout le corps sus le muscle et nerf dudict poulce, et ainsi se tourna troys foys : à la quatriesme, se renversant tout le corps sans à rien toucher, se guinda entre les deux aureiîles du cheval, soudant tout le corps en l'air sus le poulce de la senestre, et, en cest estât, feist le tour du mouhnet ; puis, frappant du plat de la main dextre sus le m.eilheu de la selle, se donna tel branle qu'il se assist sus la crope, comme font les damoiselles.
Ce faict, tout à l'aise passa la jambe droicte par sus la selle, et se mist en estât de chevaucheur, sus la crope. « Mais, dis t il, mieulx vault que je me mette entre les arsons. » Adoncq, s'appuyant sus les poulces des deux mains à la crope davant so}^ se renversa cul sus teste en l'air, et se trouva entre les arsons en bon maintien; puis, d'un sobresault, se leva tout le corps en l'air, et ainsi se tint piedz joinctz entre les arsons, et là tournoya plus de cent tours, les bras estenduz en croix, et crioit ce faisant à haulte voix : « J'enrage, diables, j'enrage, j'enrage ! Tenez moy, diables, tenez moy, tenez ! »
Tandis qu'ainsi voltigeoit, les maroufles, en grand esbahissement, disoient l'un à l'aultre : « Par la mer Dé ! c'est un lutin ou un diable ainsi déguisé. Ab hoste maligno libéra nos, Domine! » Et s'en fuyoient à la route, regardans derrière soy, comme un chien qui emporte un plumail.
Lors Gymnaste, voyant son advantaige, descend de cheval, desguaine son espée, et à grands coups chargea sur les plus huppés, et les ruoit, à grands monceaulx, blessez, navrez, et meurtriz, sans que nul luy resistast, pensans que ce feust un diable affamé, tant par les merveilleux voltigemens qu'il avoit faict que par les propos que luy avoit tenu Tripet, en l'appelant pauvre diable; sinon que Tripet, en trahison, luy voulut fendre la cervelle de son espée lansquenette ; mais il estoit bien armé, et de cestuy coup ne sentit que le chargement, et, soubdain se tournant, lança un estoc volant audict Tripet, et, ce pendent que icelluy se couvroit en hault, luy tailla d'un coup l'estomac, le colon, et la moytié du foye, dont tomba par terre, et tombant rendit plus de quatre potées de souppes, et l'ame meslée parmy les souppes.
Ce faict, Gymnaste se retyre, considérant que les cas de hazart jamais ne fault poursuyvre jusques à leur période et qu'il convient à tous chevahers reverentement traicter leur bonne fortune, sans la molester ny gehainer, et montant sus son cheval, lui donne des espérons, tirant droict son chemin vers La Vauguyon, et Prehnguand ave luy.
