PUIS FUT PRISONNIER ENTRE LES ENNEMYS
Picrochole, à la relation de ceulx qui avoient évadé à la roupte, lors que Tripet fut estripé, feut esprins de grand courroux, ouyant que les diables avoient couru suz ses gens, et tint son conseil toute la nuict : auquel Hastiveau et Toucquedillon conclurent que 9a puissance estoit telle qu'il pourroit défaire tous les diables d'enfer s'ilz y venoient, ce que Picrochole ne croj-oit pas du tout, aussi ne s'en déficit il.
Pourtant envoya soubz la conduicte du comte de T5n"avant, pour descouvrir le pays, seize cens chevaliers, tous montez sus chevaulx legiers en escarmouche, tous bien aspergez d'eau beniste et chascun ayant pour leur signe une estoUe en es-
GARGANTUA ny
charpe, à toutes adventures, s'ilz rencontroient les diables, que par vertus tant de ceste eau Gringorienne que des estolles, yceulx fissent disparoir et esvanouyr. Iceulx coururent jusques prés la Vauguyon et la Maladerye, mais oncques ne trouvèrent personne à qui parler; dont repassèrent par le dessus, et en la loge et tugure pastoral, prés le Couldray, trouvèrent les cinq pèlerins, lesquelz liez et bafEouez emmenèrent, comme s'ilz fussent espies, non obstant les exclamations, adjurations et requestes qu'ilz feissent, Descenduz de là vers Seuillé, furent entenduz par Gargantua, lequel dist à ses gens : « Compaignons, il y a icy rencontre, et sont en nombre trop plus dix foys que nous. Chocquerons nous sus eulx? — Que diable, dist le moine, ferons nous donc? Estimez vous les hommes par nombre, et non par vertu et hardiesse? » Puis s'escria : « Chocquons, diables, chocquons ! »
Ce que entendens les ennemis, pensoient certainement que f eussent vrays diables, dont commencèrent fuyr à bride avallée, excepté Tyravant, lequel coucha sa lance en l'arrest, et en f erut à toute oultrance le moyne au milieu de la poictrine; mais, rencontrant le froc horrifique, rebouscha par le fer, comme si vous frappiez d'une petite bougie contre une enclume. Adoncq le moyne, avec son baston de croix luy donna entre col et collet sus l'os acromion, si rudement qu'il Festonna, et feist perdre tout sens et movement, et tomba es piedz du cheval.
Et, voyant l'estolle qu'il portoit en escharpe, dist à Gargantua : « Ceulx cy ne sont que prebstres : ce n'est qu'un commencement de moyne. Par sainct Jean, je suis moyne parfaict : je vous en tueray comme de mousches. « Puis le grand gualot courut après, tant qu'il attrapa les derniers, et les abbastoit comme seille, frappant à tort et à travers.
Gymnaste interrogua sus l'heure Gargantua s'ilz les debvoient poursuyvre. A quoy dist Gargantua : « Nullement, car, selon vraye discipline miUtaire, jamais ne fault mettre son
Il8 LIVRE I, CHAPITRE XLIII
cnnemy en lieu de desespoir, parce que telle nécessité luy multiplie la force et accroist le couraige qui jà estoit deject et failly, et n'y a meilleur remède de salut à gens estommiz et recreuz que de ne espérer salut aucun. Quantes victoires ont esté tollues des mains des vaincqueurs par les vaincuz, quand ilz ne se sont contentés de raison, mais ont attempté du tout mettre à internition et destruire totallement leurs ennemys, sans en vouloir laisser un seul pour en porter les nouvelles : Ouvrez tousjours à vos ennemys toutes les portes et chemins,, et plustost leur faictes un pont d'argent afûn de les renvoyer. — Voire, mais, dist Gymnaste, ilz ont le moyne. — Ont ilz, dist Gargantua, le moyne? Sus mon honneur, que ce sera à leur dommaige ! Mais, afin de survenir à tous azars, ne nous retirons pas encores; attendons icy en silence, car je pense jà assez cognoistre l'engin de nos ennemiz. Hz se guident par sort, non par conseil. »
Iceulx ainsi attendans soubz les noiers, ce pendent le moyne poursuyvoit, chocquant tous ceulx qu'il rencontroit, sans de nully avoir mercy, jusques à ce qu'il rencontra un chevaHer qui portoit en croupe un des pauvres pèlerins. Et là, le voulent mettre à sac, s'escria le pèlerin : « Ha, Monsieur le Priour, mon amy. Monsieur le Priour, sauvez moy, je vous en prie ! »
Laquelle parolle entendue, se retournèrent arrière les ennemys, et, voyans que là n'estoit que le moyne qui faisoit cest esclandre, le chargèrent de coups comme on faict un asne de boys; mais de tout rien ne sentoit mesmement quand ilz frappoient sus son froc, tant il avoit la peau dure. Puis le baillèrent à guarder à deux archiers, et, tournans bride, ne veirent personne contre eulx, dont exstimerent que Gargantua estoit fuy avecques sa bande. Adoncques coururent vers les Noyrettes tant roiddement qu'ilz peurent, pour les rencontrer, et laissèrent là le moine seul avecquee deux
GARGANTUA IIQ
Gargantua entendit le bruit et hennissement des chevaulx, et dist à SCS gens : « Compaijnons, j'entends le trac de noz ennemys, et jà aperçoy aulcuns d'iceulx qui viennent contre nous à la foulle. Serrons nous icy, et tenons le chemin en bon ranc. Par ce moyen nous les pourrons recepvoir à leur perte et à nostre honneur. »
