COMMENT ESTOIENT REIGLÉZ LES THELEMITES A LEUR MANIERE DE VIVRE

Toute leur vie estoit employée, non par loix, statutz ou reigles, mais selon leur vouloir et franc arbitre. Se levoient du lict quand bon leur sembloit, beuvoient, mangeoient, travailloient, dormoient quand le désir leur venoit; nul ne les esveilloit, nul ne les parforceoit ny à boire, ny à manger, ni à faire chose aultre quelconques. Ainsi l'avoit estably Gargantua. En leur reigle n' estoit que ceste clause :