CHAPITRE VIII

COMMEXT LA BR.aGUETTE EST PREMIERE PIECE DE HARXOI; ENTRE GEKS DE GUERRE

« Voulez vous, dist Pantagruel, maintenir que la braguette est pièce première de harnois mihtaire? C'est doctrine moult paradoxe et nouvelle. Car nous disons que par espérons on commence soy armer. — Je le maintiens, respondit Panurge, et non à tord je le maintiens. Voyez comment nature, voulant les plantes, arbres, arbrisseaulx, herbes et Zoophy-tes une f oys par elle créez, perpétuer et durer en toute succession de tem.ps, sans jamais dépérir les espèces, encores que les individuz périssent, curieusement arma leurs germes et semences, es quelles consiste iceile perpétuité ; et les a muniz et couvers par admirable industrie de gousses, vagines, testz, noyaulx calicules, coques, espiz, pappes, escorces, échines poignans

qui leur sont comme belles et fortes braguettes naturelles. L'exemple y est manifeste en Poix, Febves, Faseolz, Noix, Alberges, Cotton, Colocynthes, Bleds, Pavot, Citrons, Chastaignes : toutes plantes généralement, es quelles voyons apertement le germe et la semence plus estre couverte, munie et armée qu'autre partie d'icelles. Ainsi ne pourveut nature à la perpétuité de l'humain genre. Ains créa l'homme nud, tendre, fragile, sans armes ne offensives ne défensives, en estât d'innocence et premier aage d'or, comme animant, non plante, comme animant (diz je) né à paix, non à guerre; animant né à jouissance mirificque de tous fruictz et plantes vegetables; animant né à domination pacifîcque sus toutes bestes. Advenant la multiplication de maUce entre les humains, en succession de l'aage de fer et règne de Juppiter, la terre commença à produire Orties, Chardons, Espines, et telle autre manière de rebelhon contre l'home, entre les vegetables; d'autre part, presque tous animaulx, par fatale disposition, se émancipèrent de luy, et ensemble tacitement conspirèrent plus ne le servir, plus ne luy obéir, en tant que résister pourroient ; mais luy nuire scelon leur faculté et puissance. L'home adoncques, voulant sa première jouissance maintenir et sa première domination continuer, non aussi pouvant soy commodément passer du ser\dce de plusieurs animaulx, eut nécessité soy armer de nouveau.

— Par la dive Oye guenet, s'écria Pantagruel, depuys les dernières pluyes, tu es devenu grand lifrelofre, voyre, diz je, Philosophe. — Considérez, dist Panurge, comment nature l'inspira soy armer, et quelle partie de son corps il commença premier armer. Ce feut (par la vertus Dieu) la couille, et le bon messer Priapus quand eut faict, ne la pria plus. Ainsi nous le tesmoigne le capitaine et philosophe Hebrieu Moses, affermant qu'il se arma d'une brave et gualante braguette, faicte, par moult belle invention, de ieueilles de figuier; les quelles sont naïfves, et du tout commodes en dureté, incisure, fri-

326 LIVRE III, CHAPITRE Vllt

zure, polissure, grandeur, couleur, odeur, vertus et faculté pour couvrir et armer couilles. Exceptez moy les horrificques couilles de Lorraine, les quelles à bride avalée descendent au fond des chausses, abhorrent le manoir des braguettes haultaines, et sont hors toute méthode : tesmoing Viardiere, le noble Valentin, lequel, un premier jour de May, pour plus gorgias estre, je trouvay à Xancy descrottant ses couilles estendues sus une table, comme une cappe à l'Hespaigaole.

« Doncques me fauldra dorénavant dire, qui ne vouldra improprement parler, quand on envoyra le franc taulpin en guerre : Saulve Tevot le pot au vin, c'est le cruon. Il fault dire •. Sauve Tevot le pot au laict ; ce sont les couilles, de par tous les diables d'enfer. La teste perdue, ne perist que la personne : les couilles perdues, periroit toute humaine nature. C'est ce qui meut le gualant Cl. Galen, lih. I, De spermate, à bravement conclure que mieulx (c'est à dire moindre mal) seroit, poinct de cœur n'avoir, que poinct n'avoir de genitoires. Car là consiste, comme en un sacré repositoire, le germe conservatif de l'humain lignage. Et croeiroys, pour moins de cent francs, que ce sont les propres pierres moyenans lesquelles Deucahon et Pyrrha restituèrent le genre humain, aboly par le déluge Poétique. C'est ce qui meut le vaillant Justinian, lih. IV, De cagotis tollendis, à mettre summum bonum in hraguibus et braguetis.

K Pour ceste et aultres causes, le seigneur de Mcrvillc essayant quelque jour un harnoys neuf, pour suivre son Roy en guerre (car du sien antique et à demy rouillé plus bien servir ne se povoit à cause que, depuys certaines années, la peau de son ventre s'estoit beaucoup esloignée des roignons), sa femme considéra en esprit contemplatif que peu de soing avoit du pacquet et baston commun de leur mariage, veu qu'il ne l'armoit que de mailles; et feut d'advis qu'il le munist tresbien et gabionnast d'un gros armet de joustes, lequel

estoit en son cabinet inutile. D'icelle sont escriptz ces vers on tiers livre du Chiabrena des pucelles :

Celle qui vit son mari tout armé,

Fors la braguette, aller à l'escarmouche,

Luy dist : « Amy, de paour qu'on ne vous touche,

Armez cela, qui est le plus aymé. »

Quoy ! tel conseil doibt il estre blasmé?

Je dis que non : car sa paour la plus grande

De perdre estoit, le voyant animé,

Le bon morceau dont elle estoit friande.

« Désistez doncques vous cshahir de ce nouveau mien accoustrement. »