CHAPITRE XXXI
COMMENT RON'DIBILIS, MEDICIX, CONSEILLE PANURGE
Panurge, continuant son propous, dist : « Le premier mot que dist celluy qui escouilloit les moines beurs à Saussignac, ayant escouillé le frai Cauldaureil, feut : Aux aultres. Je diz pareillement : Aux aultres. Cza monsieur nostre maistre Rondibilis, depeschez moy. Me doibs je marier ou non?
— Par les ambles de mon mulet, respondit Rondibilis, je ne sçay que ^e doibve respondre à ce problème. Vous dictez que sentez en vous les poignans aiguillons de sensualité ! Je trouve en nostre faculté de Medicine, et l'avons prins de la resolution des anciens Platonicques, que la concupiscence charnelle est refrénée par cinq moyens. Par le vin. — Je le croy, dist frère Jan. Quand je suis bien yvre, je ne demande qu'à dormir. — J'entends, dist Rondibilis, par vin prins intemperamment. Car, par l'intempérance du vin, advient au corps humain refroidissement de sang, resolution des nerfs, dissipation de semence generative, hebetation des sens, perversion des mouvemens : qui sont toutes impertinences à l'acte de génération. Defaict, vous voyez painct Bacchus, dieu des Yvroignes, sans barbe, et en habit de femme, comme tout efféminé, comme eunuche et escouillé. Aultrement est du vin prins temperement. L'antique proverbe nous le désigne, on quel est dict : Que Venus se morfond sans la compaignie de Ceres et Bacchus. Et estoit l'opinion des anciens, scelon le récit de Diodore Sicilien, mesmement des Lampsaciens, comme atteste Pausanias, que messer Priapus feut filz de Bacchus et Venus.
« Secondement, par certaines drogues et plantes, lesquelles
rendent l'home refroidy, maleficié et impotent à génération. L'expérience y est en Xymphœa Heraclia, Amerine, Saule, Chenevé. Periclymenos, Tamarix, Vitex, Mandragore, Cigûe, Orchis le petit, la peau d'un Hippopotame, et aultres; les quelles, dedans les corps humains, tant par leurs vertus élémentaires que par leurs propriétés specificques, glassent et mortifient le germe proUficque; ou dissipent les espritz qui le debvoient conduire aux lieux destinez par nature; ou oppilent les voyes et conduictz par les quelz povoit cstre expulsé. Comme, au contraire, nous en avons qui eschaufïent, excitent et habilitent l'home à l'acte Vénérien. — Je n'en ay besoing, dist Panurge, Dieu mercy; et vous, nostre maistre? Ne vous desplaise toutcsfoys. Ce que j'en diz, ce n'est pas mal que je vous veuille.
— Tiercement, dist Rondibihs, par labeur assidu. Car en icelluy est faicte si grande dissolution du corps que le sang, qui est par icelluy espars pour l'alimentation d'un chascun membre, n'a temps, ne loisir, ne faculté de rendre celle resudation séminale et superfluité de la tierce concoction. Nature particuliairement se la reserve, comme trop plus nécessaire à la conservation de son individu, qu'à la multiplication de l'espèce et genre humain. Ainsi est dicte Diane chaste, laquelle continuellement travaille à la chasse Ainsi jadis est oient dictz les Castres, comme castes; es quelz continuellement travailloient les Athlètes et Soubdars. ,\insi escript Hippocrates, lih. De aère, aqua et locis, de quelques peuples en Scythie, les quelz de son temps plus estoient impotens que Eunuches à l'esbatement Vénérien parce que continuellement ilz estoient à cheval et au travail. Comme, au contraire, disent les Philosophes, Oysiveté estre mère de Luxure. Quand l'on demandoit à Ovide quelle cause feut pourquoy .^ïlgistus devint adultère, rien plus ne respondoit sinon par ce qu'il estoit ocieux. Et qui osteroit Oisyveté du monde, bien tost periroient les ars de Cupido : son arc, sa trousse et ses flèches
lui seroient en charge inutile; jamais n'en feriroit personne. Car il n'est mie si bon archier qu'il puisse ferir les Grues volans par l'aer, et les Cerfz relancez par les boucaiges (comme bien faisoient les Parthes), c'est à dire les humains tracassans et travaillans. Il les demande quoys, assis, couchés et à séjour. De faict, Théophraste, quelques foys interrogé, quelle beste ou quelle chose il pensoit estre Amourettes, respondit que c'estoient passions des espritz ocieux. Diogenes pareillement disoit Paillardise estre l'occupation des gens non aultrement occupez. Pourtant, Canachus Sicyonien, sculpteur, voulant donner entendre que Oysiveté, Paresse, non chaloir, estoient les gouvernantes de ruf&ennerie, feist la statue de Venus assise, non de bout, comme avoient faict tous ses prédécesseurs
« Quartement, par fervente estude. Car en icelle est faicte incredible resolution des espritz, tellement qu'il n'en reste de quoy pousser aux Heux destinez ceste resudation generative, et enfler le nerf caverneux, duquel l'ofQce est hors la projecter, pour la propagation d'humaine Nature. Qu'ainsi soit, contemplez la forme d'un home attentif à quelque estude, vous voirez en luy toutes les artères du cerveau bendées comme la chorde d'une arbaleste, pour luy fournir dextrement espritz suf&sans à emplir les ventricules du sens commun, de l'imagination et appréhension, de la ratiocination et resolution, de la mémoire et recordation, et agilement courir de l'un à l'aultre par les conduitz manifestes en anatomie sus la fin du retz admirable on quel se terminent les artères; les queUes de la senestre armoire du cœur prenoient leur origine, et les espritz vitaulx affinoient en longs ambages pour estre faictz animaulx. De mode qu'en tel personnaige studieux, vous voirez suspendues toutes les facultez naturelles, cesser tous sens extérieurs; brief vous le jugerez n'estre en soy \dvant, estre hors soy abstraict par ecstase, et direz que Socrates n'abusoit du terme quand il disoit : Philosophie n'estre aultre
chose que méditation de mort. Par adventure est ce pour quoy Democritus se aveugla, moins estimant la perte de sa veue que diminution de ses contemplations, les quelles il sentoit interrompues par l'csgarement des œilz. Ainsi est vierge dicte Pallas, Déesse de Sapience, tutrice des gens studieux, Ainsi sont les Muses vierges : ainsi demeurent les Charités en pudicité éternelle Et me soubvient avoir leu que Cupido, quelques f oys int» rrogé de sa mère Venus pour quoy il n'assailloit les Muses, respondit qu'il les trouvoit tant belles, tant nettes, tant honnestes, tant pudicques et continuellement occupées, l'une à contemplation des astres, l'aultre à supputation des nombres, l'aultre à dimension des corpci Géometricques, l'aultre à invention Rhetoricque, l'aultre a composition Poëticque, l'aultre à disposition de Musique, que, approchant d'elles, il desbandoit son arc, fermoit sa trousse, et extoignoit son flambeau, par honte et craincte de leurs nuire. Puys ostoit le bandeau de ses œilz pour plus apertement les veoir en face, et ouyr leurs plaisans chantz et odes Poëticques. Là prenoit le plus grand plaisir du monde; tellement que, souvent, il se sentoit tout ravy en leurs beaultez et bonnes grâces, et s'endormoit à l'harmonie. Tant s'en fault qu'il les voulsist assaiUir, ou de leurs estudes distraire. En cestuy article je comprens ce que escript Hippocrates on livre susdict, parlant des Scythes; et au HvTe intitulé De genitura, disant tous humains estre à génération impotens, es quelz l'on a une foys couppé les artères parotides, qui sont à cousté des aureilles; par la raison cy davant exposée, quand je vous parlois de la resolution des espritz et du sang spirituel, du quel les artères sont réceptacles : aussi qu'il maintient grande portion de la geniture sourdre du cerveau et de l'espine du dours.
« Quintement par l'acte Vénérien. — Je vous attendois là, dist Panurge, et le prens pour moy. Use des precedens qui vouldra. — C'est, aibx Irere Jan, ce que Fray Scyllino, prieur
de Sainct-Victor lez Marseille, appelle macération de la chair. Et suys en ceste opinion (aussi estoit l'Hermite de Saincte- Radegonde au dessus de Chinon) que plus aptement ne pourroient les hermites de Thebaïde macérer leurs corps, dompter ceste paillarde Sensualité, déprimer la rébellion de la chair, que le feisant vingt-cinq ou trente foys par jour. — Je voy Panurge, dist Rondibilis, bien proportionné en ses membres, bien tempéré en ses humeurs, bien complexionné en ses espritz, en aage compétent, en temps opportun, en vouloir équitable de soy marier : s'il rencontre femme de semblable temperature; ilz engendreront ensemble enfans dignes de quelque monarchie Transpontine. Le plus toust sera le meilleur, s'il veult veoir ses enfants pourveuz.
— Monsieur nostre maistre, dist Panurge, je le seray, n'en doubtez, et bien toust. Durant vostre docte discours, ceste Pusse que j'ay en l'aureille m'a plus chatouillé que ne fit oncques. Je vous retiens de la feste. Nous y ferons chère et demie, je le vous prometz. Vous y amènerez vostre femme, s'il vous piaist, avecques ses voisines, colla s'entend. Et jeu sans villenie. »
