COMMENT NAISSENT LES PROCES, ET COMMENT ILS VIENNENT A PERFECTION

« C'est pour quoy, dist Bridoye continuant, comme vous aultres Messieurs, je temporize, attendant la maturité du procès, et sa perfection, en tous membres : ce sont escripturcs et sacs. Arg. in l. si major. C. commun, divid. et de cons. di. I, c. soîemnitates. et ibi gloss.

« Un procès, à sa naissance première, me semble, comme à vous aultres. Messieurs, informe et imperfaict. Comme un Ours naissant n'a pieds, ne mains, peau, poil, ne teste : ce n'est qu'une pièce de chair, rude et informe. L'ourse, à force de leicher, la mect en perfection des membres, ut net. Doci. ff. ad leg. A quil. l. II in fin. Ainsi voy je, comme vous aultres. Messieurs, naistre les procès à leurs commencemens, informes et sans membres. Hz n'ont qu'une pièce ou deux, c'est pour lors une laide beste. Mais, lors qu'ilz sont bien entassez, enchâssez et ensachez, on les peut vraycment dire membruz et formez. Car forma dat esse rei, l. si is qui. -§. ad. l. Falcid. in c. ciim dilecta extra de rescript. Barhatia cons. 12 lib. II, et davant lu\' Bald. in c. ulti. extra de consuet. et l. Julianus. ff. ad. exhib. et lib. quœsitum. -Q. de leg. m. La manière est telle que dit gloss. fien. q. i, c, Paulits :

Débile principium melior jortuna sequetiir.

« Comme vous aultres. Messieurs, semblablement les sergens, huissiers, appariteurs, chiquaneurs, procureurs, commissaires, advocatz, enquesteurs, tabellions, notaires, gre-

phiers et juges pedanées, de quihus Ht. est lih. III, C. sugsans bien fort et continuellement les bourses des partijes, engendrent à leurs procès teste, pieds, griphes, bec, dents, mains, venes, artères, nerfs, muscles, humeurs. Ce sont les sacs, gloss, de cons. d. 4, accepisti.

Qualis vestis erit, talia corda gerit.

Hic not. qu'en ceste qualité plus heureux sont les plaidoyans que les ministres de Justice, car

Beaîitis est dure quàm accipere;

■Q. commun, lih. III, et extra, de celehva. Miss. c. cum Matthœ. et XXIV qu. I, c. Od. gloss.

Affectum dantis pensât censura tonantis.

Ainsi rendent le procès perfaict, gualant et bien formé, comme dit gloss. canonica :

Accipc, sume, cape, sunt verba placentia Papes.

Ce que plus apertement a dit Alber. de Ros., in verh. Rama. :

Roma manus rodit, quas rodere non valet, odit. Dantes custodit, non dantes spcrnit et odit.

Raison pour quoy?

Ad prcp-sens ova, cras pullis sunt meliora.

ut est gloss. in l. cum. M. -Q. de iransact. L'inconvénient du contraire est mis in gloss. c. de allu. l. fin :

Cum labor in damno est, crescit mortalis egestas.

« La vraye etjTHologie de Procès est en ce qu'il doibt avoir en ses prochatz prou sacs. Et en avons brocards deificques.

Liiigando jura crescunt. Litigando jus acquiriîiir. Item, gîoss. 'ne. îîlud. extra, de prœsump. et C. de prob. I. instrumenta, l. ion epistolis. l. non nudis.

Et cum non possunt singula, multa juvant.

— Voyre mais, demandoit Trinquamelle, mon ams', comment procédez vous en action criminelle, la partie coupable prinse flagrante criminel

— Comme vous aultres, Messieurs, respondit Bridoye; je laisse et commende au demandeur dormir bien fort pour l'entrée du procès : puys devant moy convenir, m'apportant bonne et juridicque attestation de son dormir, selon la gloss. 32, q. VII. c. Si qiiis cum.

Quandoque bonus dormitat Homerus.

Cestuy acte engendre quelque aultre membre; de cestuy là naist un aultre comme maille à maille est faict le aubergeon. Enfin je trouve le procès bien par informations formé et perfaict en ses membres. Adoncques je retourne à mes dez. Et n'est par moy telle interpellation sans raison faicte, et expérience notabl.

« Il me souviene qu'on camp de Stokolm, un Gascon nommé Gratianauld, natif de Sainsever, ayant perdu au jeu tout son argent, et de ce grandement fasché (comme vous sçavez que pecunia est alter sanguis, ut ait Ant. de Butrio. in c. accedens. 2, extra ut lit. non contest. et Bald. in l. si tuis. C. de opt. li per no. in l. advocati C. de advoc. diu. jud. Pecunia est vita hominis, et optimus fidejussor in necessitatibus), à l'issue du berland, davant tous ses compaignons, disoit à haulte voix : « Pao cap de bious, hillotz, que mau de pipe bous tresbyre ! ares que pergudes sont las miesbingt et quouatre baguettes, ta pla donnerien picz, trucz, et patactz. Sei degun de bous aulx, qui boille truquar ambe icu à belz embis? » Ne respon-

dant personne, il passe au camp des Hondrespondres, et reïteroit ces mesmes paroUes, les invitant à combattre avecques luy. j\Iais les susdictz disoient '< Der Guascongner thut schich usz mitteim ieden zu schalgen, aber er ist geneigter zu staelen; darumb, lieben frauwen, hend serg zu inuerm hausraut. » Et ne se oiïrit au combat persone de leur ligue. Pourtant passe le Guascon au camp des adventuriers François, disant ce que dessus, et les invitant au combat guaillardement, avecques petites gambades Guasconicques. Mais persone ne luy respondit. Lors le Guascon au bout du camp se coucha, prés les tentes du gros Christian, chevallier de Crissé, et s'endormit. Sus l'heure un adventurier, ayant pareillement perdu tout son argent, sortit avecques son espée, en ferme délibération de combattre avecques le Guascon, veu qu'il avoit perdu comme luv :

Ploratur lacrymis ami-ssa pccunia vais,

dict gloss. de pœnitent. dist. 3, c. sunt plitres. De iaict, l'ayant cherché parmy le camp, finablemcnt le trouva endormy. Adoncques luy dist: « Sus ho ! Hillot de toijs les Diables, levé toy : j'ay perdu mon argent aussi bien que toy. Allons nous battre guaillard, et bien à poinct frotter nostre lard. Advise que mon verdun ne soit poinct plus long que ton espade. » Le Guascon, tout esblouy, lui respondit : « Cap de Sainct Arnaud, quau se^'s tu, qui me rebeilles? que mau de taoverne te g>'re ! Ho San Siobé, cap de Guascoigne, ta pla dormie iou. quand aquoest taquain me bingut estée. » L'adventurier le invitoit de rechef au combat; mais le Guascon luy dist : « He paouret, iou te esquinerie ares que son pla reposât- Vayne un pauc qui te posar comme iou, puesse truqueren. » Avec l'oubliance de sa perte il avoit perdu ren\de de combattre. Somme, en lieu de se battre et soy par adventure entretuer, iiz allèrent boyre ensemble, chascun sus son espée- Le sommeil avoit faict ce bien, çt pacifié la flagrante fureur

des deux bons champions. Là compete le mot doré de Joann. And. in cap. uît. de sent, et re jiidic. lih. VI :

Scdendo et qniescendo fit anima prudens.*