Qui a une demi-prébende

EpiïAPHES. a85

A Dieu faisoit, en tout temps et saison, Songneusement briefve et courte oraison.

Trouvé n'estoit en rochers ne cavernes, Dévotement visitoit les tavernes.

Il allegoit plusieurs auctoritez Qui contenoient bourdes et veritez, Au flux, au cent, au glic, au tricquetac, Il s'esbatoit, souvent estoit à llac.

Jeux et esbas desiroit à ouyr, Noises, debatz tousjours vouloit fuyr.

Si quelque chose à quelcun promectoit , De le bailler bien peu s'entremectoit.

Subgect estoit à sa complexion, Et en faisoit floible confession.

Or et argent voluntiers empruntoit, De le rendre ennuyé se sentoit; A ses debteurs disoit des paraboles Et les payoit doulcement en paroUes.

Aucunesfois, au sexe féminin Se demonstroit gratieux et begnyn ; De leur prester or, argent, ou pecune.

Jamais n'en eust dévotion aucune ; Et supposé qu'il aymoit le combatre, Pour les dames ne se feist jamais batre. Parfoiz hentoit, et sans estre devin, Vielles vertes, et buvoit du bon vin ; Fourny estoit de seurpliz et chemises Par icelles, et dessus son corps mises, Et lesquelles ne luy coustoient denyer.

286 Epitapiies.

Et qu'ainsi soit ne l'eust sceu donyer. Toutes estoient, pour son bon bruyt acroislre, Ainsi qu'on dit, chamberières de cloistre. Vertu Sainct Jehan estoit son jurement La vertu Dieu, parfoiz, bien aigrement.

Or est il mort : la terre en a le corps, A l'ame soit Jésus misericors.

Amen.