I . Triompher
88 Dialogue
Les Dames veulx, et conquérir En les servant.
Le Premier.
Ce sont bons termes, Mais les Seigneurs sont trop plus fermes Que les Dames en faictz et ditz.
Le Second.
Je le confesse quant aux armes, Mais aux assaulx et aux vacarmes D'amours, une Dame en vault dix.
Le Premier.
S'il est ainsi que tu le dis Ce n'est pas ainsi que l'entendz.
Le Second.
Des Seigneurs point je ne mesdiz, Mais toutesfois, par mes esdiz, f)ames valent mieulx en tout temps.
Le Premier.
Quant est de ma part, je pretens Devant chascun tout le contraire.
Qu'il soit vray, voicy où je tends :
Quantz en ont-ilz faict maulcontens Depuis le temps du Roy Clotaire?
Le Second.
Riens, riens, tu me cuydes distraire Du bon vouloir que j'ay en elles.
Le Premier.
Non fais, Dea.
DES Abusez. 89
Le Second.
Je m'y veulx retraire Et la grâce et amour at traire Des Dames et des Damoyselles.
Le Premier.
Tu ne veulx servir que les belles?
Le Second.
J'en ay le vouloir. Somme toute, En servant les gentes fumelles, Et en soustenant leurs querelles, Honneur en vient, sans quelque doubte.
Le Premier.
Tel a beaux yeulx qui ne voit gouste.
Par ainsi je veulx soustenir, En ung brief mot, quoy qu'il me couste, Que avant qu'il soit la Penthecouste Tu t'en lasseras.
Le Second.
Retenir Te faut désormais et tenir Qu'il n'est que de servir les Dames.
Le Premier.
Neantmoins je veulx maintenir Qu'elles sont à entretenir Bien difficiles.
Le Second.
De t'en croire
go Dialogue
Ne de le mettre en mon mémoire Tu ne le verras de ta vie.
Le Premier.
Pour bien faire valoir l'istoire, Je sais bien qu'il est tout notoire Que de les servir as envye.
Le Second.
Dès aujourdhuy je m'y convie.
Velà, j'en suis tout résolu.
Le Premier.
Les aucunes sont de grant vie ; Mais ta pensée y est ravye.
Le Second.
Il est vray, c'est un mot solu' ; .l'ay tousjours esté bien voulu Des Dames, en toutes façons.
Le Premier.
Tu es jà cassé et moulu, Et si es par trop dissolu Aucunesfois.
Le Second.
Ce sont chansons.
C'est à pages et à garsons Que tu dois ces motz adresser.
Le Premier.
Mieulx vauldroit servir les maçons ,
