DES RESOLUTIONS 4. PARTIE DE LA MEDITATION

CHAP. XV

Il ne faut pas pourtant, Philothee, s'arrester tant à ces affections generalles que vous ne les convertissiez en des resolutions specialles, et particulières pour vostre correction, et amendement. Par exemple la première paroUe que nostre Seigneur dit sur la Croix respendra sans doute une bonne affection en vostre ame de pardonner à vos ennemis, et de les aimer. Or je dis maintenant que cela est peu de chose, si vous n'y adjoustez une resolution specialle en cette sorte : or sus doncques je ne me picqueray plus des parolles fâcheuses,

=0* Introduction a la Vie Dévote

qu'un tel, et une telle, mon voisin ou ma voisine, mon domestique, ou ma domestique disent de moy, ny de tel et tel mespris qui m'est fait par cestuy cy ou cestuy là : au contraire je diray, et feray telle, et telle chose pour le gaigner , et adoucir, et ainsi des autres affections. Par ce moyen, Philothee, vous corrigerez vos fautes en peu de temps, là où par les seules affections vous le ferez tard, et mal-aisement.