DE NOSTRE SEIGNEUR

*(Parsl%c.in,a.i.) J'ay fermement prouvé cy dessus * que l'Eglise Catholique estoit une monarchie, en laquelle un chef ministerial gouvernoit tout le reste : ce n'a donq pas esté saint Pierre seulement qui en a esté le chef, mais faut que comme l'Eglise n'a pas manqué par la mort de saint Pierre, ainsy l'authorité d'un chef n'y ait pas manqué ; autrement elle ne seroit pas une, ni au train auquel son fondateur l'avoit mise.

Et de vray, toutes les raysons pour lesquelles Nostre Seigneur mit un chef en ce cors, ne demandent pas tant quil y fust en ce commencement, ou les Apostres qui gouvernoyent l'Eglise estoyent saints, humbles, charitables, amateurs d'unité et concorde, qu'au progrès et suite d^icelle, quand la charité rafredie chacun s'ayme soymesme , personne ne veut se tenir au dire d'autruy ni subir la discipline. Je vous prie, si les