Partie II. Chapitre vi. Article x

mays ces ministres et lieutenantz, tout tant quil y a de pasteurs, peuvent céder et cèdent, soit par déposition ou par la mort, leurs offices et dignités.

Or nous avons monstre * que saint Pierre a esté * (Art. m.) suprême chef ministériel de l'Eglise, et que cest office ou dignité ne luy a pas esté baillé pour luy seulement, mays pour le bien et prouffit de toute l'Eglise, si que ce doit estre un office perpétuel en l'Eglise militante. Mays comme seroit il perpétuel si saint Pierre n'avoit point de successeur ? car on ne peut pas douter que saint Pierre ne soit plus pasteur de l'Eglise, puysquil n'est plus en l'Eglise militante , ni mesme homme visible, qui est une condition requise pour administrer en l'Eglise visible. Reste a sçavoir comm'il a faict ceste cession, comm'il a quitté ce sien pontificat, si c'est ou par déposition faicte entre vivantz, ou par la mort naturelle ; puys on verra qui luy a succédé et par quel droit.

Et d'un costé, personne ne doute que saint Pierre n'ait continué en sa charge toute sa vie ; car ceste parole de Nostre Seigneur, Pasce oves meas *, luy * {Joan., xxi, 17.) fut non seulement une institution en ceste suprême

mays ces ministres et vicaires cèdent nécessairement leurs offices et dignités, ou par déposition ou par la mort.

Or nous avons monstre que S* Pierre a esté chef ministériel de l'Eglise, et que ceste charge luy a esté baillée pour le bien et utilité publique du Christianisme , si que , le Christianisme durant tousjours , ceste mesme charge et authorité doit estre perpétuelle en l'Eglise militante ; mays S* Pierre n'est plus pasteur de l'Eglise, puysqu'il n'est plus en l'Eglise militante, ni homme visible, qui est une condition requise pour administrer en l'Eglise visible. Reste a voir comme il a quitté et cédé son pontificat, si c'est ou par déposition faicte entre vivans, ou par la mort naturelle ; puys on verra qui luy a succédé et par quel droit.

Et d'un costé, c'est chose certaine que S* Pierre a continué en sa charge toute sa vie ; car ceste parole de N. S'", Repais nies brebis, luy fut non seulement une institution en ceste suprême

charge pastorale, mais un commandement absolu, qui n'avoit point d'autre limitation que par le terme de sa vie, non plus que cest autre, Prœdicate Evangelium (Marc, XVI, 15.) omui crcaturce'^y a quoy les Apostres vacquerent jusques a la mort. Pendant donques que saint Pierre vesquit ceste vie mortelle, il n'eut point de successeur, et ne déposa point sa charge, ni n'en fut point déposé ; car il ne le pouvoit estre sinon par l'heresie, qui n'eut jamais accès chez les Apostres beaucoup moins chez leur chef, sinon que le Maistre de la bergerie l'en eust levé, ce que non.

Ce fut donques la mort qui le leva de ceste sentinelle et de ce guet gênerai quil faisoit, comme pasteur ordinaire, sur toute la bergerie de son Maistre : mays qui succéda en sa place ? Et quand a ce point, toute l'antiquité est d'accord que c'est l'Evesque de Rome, avec ceste rayson : saint Pierre mourut Evesque de Rome, donques l'evesché de Rome fut le dernier siège du chef de l'Eglise, donques l'Evesque de Rome, qui fut après la mort de saint Pierre, succéda au chef de l'Eglise, et, par conséquent, fut chef de l'Eglise. Quel-

charge pastorale, mais un commandement absolu, qui n'avoit point d'autre limitation que par le terme de sa vie, non plus que cestuy la, Prœdicate Evangelium omni creaturce, a quoy les Apostres vacquerent jusques a la mort. Pendant donques que S* Pierre vesquit ceste vie mortelle, il n'eut point de successeur, et ne céda ou quitta point sa charge, ni n'en fut point déposé ; car il ne le pouvoit estre que par l'heresie, laquelle n'eut jamais accès chez les Apostres beaucoup moins chez leur chef, sinon que le Maistre de la bergerie l'en eust levé, ce que non.

Ce fut donques la mort qui le leva de ceste sentinelle générale quil faisoit, comme pasteur ordinaire, sur toute la bergerie du Maistre : mays qui succéda en sa place ? Et quand a ce point, toute l'antiquité dict que c'est l'Evesque de Rome. Voicy sa rayson : S* Pierre mourut Evesque de Rome, Rome donques fut le dernier siège du chef de l'Eglise, l'Evesque donques de Rome, qui fut après la mort de S* Pierre, succéda a S* Pierre, et, par conséquent,